17 قىركۇيەك, 18:35 403 0 دەنساۋلىق انار لەپەسوۆا

COVID-19: قازاقستاندىق ۆاكتسينانىڭ كلينيكالىق سىناعى باستالدى

كوروناۆيرۋسقا قارسى قازاقستاندىق ۆاكتسينانى كلينيكالىق زەرتتەۋ باستالدى، دەپ حابارلايدى ءبىلىم جانە عىلىم مينيسترلىگى.

قر بعم عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىندا ازىرلەنگەن كوروناۆيرۋس ينفەكتسياسىنا قارسى QazCovid-in ۆاكتسيناسىن كلينيكالىق زەرتتەۋ باستالدى.

«ۆاكتسينانى كلينيكالىق زەرتتەۋ 18-50 جاس ارالىعىنداعى دەنى ساۋ ەرەسەك ەرىكتىلەر اراسىندا جۇرگىزىلەدى. ۆاكتسينانىڭ قاۋىپسىزدىگىن انىقتاۋعا باعىتتالعان زەرتتەۋدىڭ I فازاسىنا كوروناۆيرۋسپەن اۋىرماعان جانە انتيدەنەلەرى جوق 44 ەرىكتى قاتىسادى. يممۋنوگەندىلىكتى زەرتتەۋگە باعىتتالعان ەكىنشى فازادا 200 ەرىكتىنىڭ قاتىسۋى جوسپارلانىپ وتىر» دەلىنگەن حابارلامادا.

بقپعزي-عا كلينيكالىق زەرتتەۋلەرگە قاتىسۋعا نيەت بىلدىرگەن ەرىكتىلەردەن 688 ءوتىنىش كەلىپ تۇسكەن. ءبىلىم جانە عىلىم ۆيتسە-ءمينيسترى ميراس داۋلەنوۆ cەنىم بىلدىرگەندەرگە العىس ايتتى.

كلينيكالىق زەرتتەۋلەر قر دەنساۋلىق ساقتاۋ مينيسترلىگىنىڭ «ۇلتتىق فتيزيوپۋلمونولوگيا عىلىمي ورتالىعى» رمك جانە «سentre for Clinical Medicine and Research» جشس-دە وتەدى.

 

سوڭعى جاڭالىقتار