17 قىركۇيەك, 17:08 365 0 پرايمەريز انار لەپەسوۆا

الماتىدا پرايمەريز كانديداتتارى كوپبالالى انالارعا جەڭىلدىكتەردى كوبەيتۋ ماسەلەسىن كوتەردى

4 كۇن ىشىندە «Nur Otan» پارتياسى الماتى قالالىق فيليالى پرايمەريزىنىڭ 90-عا جۋىق ۇمىتكەرى پىكىرسايىسقا قاتىستى.

بۇگىن پارتيانىڭ بوستاندىق اۋداندىق فيليالىندا ۇمىتكەرلەر كوپبالالى انالاردى الەۋمەتتىك قولداۋدى كۇشەيتۋ، اتاپ ايتقاندا، جاردەماقىلاردى، قوسىمشا تولەمدەر مەن جەڭىلدىكتەردى ۇلعايتۋ، تۇرعىن ۇيمەن قامتاماسىز ەتۋ، انا مەن بالا دەنساۋلىعىن قورعاۋ ماسەلەلەرىن تالقىلادى. سونداي-اق، تۇرمىسى تومەن وتباسىلاردان شىققان بالالارعا جوعارى ءبىلىمنىڭ قولجەتىمدىلىگى ماسەلەلەرى قارالدى.

وتكەن پىكىرتالاستاردا وسى جانە بىرقاتار الەۋمەتتىك-ەكونوميكالىق ماسەلەلەر كوتەرىلدى.

ەستەرىڭىزگە سالا كەتەيىك، پىكىرتالاس 30 قىركۇيەككە دەيىن جالعاسادى جانە الماتىنىڭ بارلىق اۋداندارىندا وتەدى. ونىڭ بارىسىندا پرايمەريزگە قاتىسۋشىلار وزدەرىنىڭ سايلاۋالدى باعدارلامالارىن تانىستىرىپ، الەۋمەتتىك جەلىلەردەگى پارتيانىڭ اۋداندىق فيليالدارىنىڭ رەسمي اككاۋنتتارىندا تىكەلەي ەفيردە قويىلعان وپپونەنتتەر مەن قالالىقتاردىڭ سۇراقتارىنا جاۋاپ بەرەدى.

«Nur Otan» پارتياسى الماتى قالالىق فيليالىنىڭ ءبىرىنشى ورىنباسارى ستانيسلاۆ كانكۋروۆتىڭ ايتۋىنشا، بۇگىندە الماتىدا پرايمەريزگە 221 قاتىسۋشى بار، ولاردىڭ ىشىندە شاعىن جانە ورتا بيزنەس، ۇكىمەتتىك ەمەس ۇيىمدار وكىلدەرى، كوپبالالى انالار، مەديتسينا، ءبىلىم بەرۋ وكىلدەرى جانە باسقالار بار.

سوڭعى جاڭالىقتار