17 قىركۇيەك, 15:53 382 0 نۇر وتان ارايلىم بيمەنديەۆا

ەلجاندى جاستار ءۇشىن ەرەن جوبا

«Jas Otan» قازاقستاندىق جاستاردى قولداۋعا باعىتتالعان جانە ولاردىڭ ءما­سەلەسىن شەشۋدىڭ ناقتى جولدارىن ۇسىناتىن «جاستار – وتانعا!» 5 جىلدىق باعدارلاماسىن ازىرلەدى. جاقىندا باعدارلاما جول كارتاسىنىڭ 216 جوباسى جاريالاندى.

باعدارلامادا ءاربىر ءوڭىر، قالا جانە اۋدان بويىنشا جاستاردىڭ وزەكتى ماسەلەلەرىن شەشۋگە قاتىستى ناقتى شارالار كورسەتىلگەن. جاستار ماسەلەسى بويىنشا الەم­دەگى ۇزدىك تاجىريبەلەر مەن ەلىمىزدەگى جاس­­تاردىڭ 3 مىڭنان استام ۇسىنىسىن ەسكەرە وتىرىپ دايىندالعان باعدارلامادا قول­جەتىمدى باسپانا مەن جاس وتباسىلاردى قول­­داۋ، جۇمىسقا ورنالاستىرۋ جانە جۇ­مىس­پەن قامتۋ ماسەلەلەرىن شەشۋگە ەرەكشە با­سىمدىق بەرىلىپ وتىر.

ماسەلەن، ەلورداعا ايماقتاردان قو­نىس اۋدارىپ جاتقان جاستار سانى كوپ. ولاردى تۇرعىن ۇيمەن قامتاماسىز ەتۋ – وزەك­تى ماسەلە. سونىمەن قاتار دارىندى جاس­­تارعا گرانت ءبولۋ، اتا-اناسىنىڭ قامقور­لى­­عىنسىز قالعان جانە ينتەرناتتان شىق­قان جاستارعا قولداۋ كورسەتۋ دە ماڭىزدى.

ايتا كەتسەك، پرەزيدەنت جاريالاعان بيىل­عى «ەرىكتىلەر جىلى» اياسىندا ەلور­دالىق جاستار اراسىندا قالالىق جانە حا­­لىقارالىق ءىس-شارالارعا قاتىسقان جاس­تار سانى ارتقان. مىسالى، بيىل جىل باسىنان بەرى 1 500 جاس قايىرىمدىلىق جانە ۆو­لونتەرلىك شارالارعا قاتىسقان.

باعدارلاما اياسىندا استانالىق جاس­تار­دى ساپالى بىلىممەن قامتاماسىز ەتۋ ماقساتىندا 2025 جىلى عىلىمي-زەرتتەۋ جانە تاجىريبەلىك-كونسترۋكتورلىق جۇ­مىس­تاردى قارجىلاندىرۋداعى جەكە سەكتور ۇلە­سىن 50 پايىزعا دەيىن جەتكىزۋدى ماقسات ەتىپ قويعان. الەمدىك تاجىريبە كەز كەلگەن مەم­­لەكەت عىلىمي جۇمىستارعا بولىنەتىن قار­­جى كولەمى 0,1 پايىزعا ارتسا، سول ەلدىڭ ءجىو كولەمى 1,2 پايىزعا جەتۋى مۇمكىن ەكە­نىن كورسەتەدى. وسى ورايدا، جەكە سەكتور ەسە­بىنەن بولىنەتىن قاراجات كولەمى ارتسا، عى­لىممەن اينالىسۋعا ىنتالى جاستاردىڭ دا ۇلەسى كوبەيەتىنى انىق.

الماتى اۋەلدەن جاستاردىڭ قالاسى سانالادى. جاستار قالا حالقىنىڭ ءۇش­تەن ءبىر بولىگىن قۇرايدى. الماتى – جاس­تاردىڭ بوس ۋاقىتىن ءتيىمدى وتكىزۋگە، ءبىلىم الۋعا، جۇ­مىس­قا ورنالاسىپ، قىزمەت بابىمەن وسۋىنە، وتباسىلى بولۋىنا قولايلى قا­لا.

دەگەنمەن الماتى جاستارىنىڭ 38,5 پايىزى عانا ەلىمىزدىڭ قوعامدىق-ساياسي ومىرىنە بەلسەندى قاتىسادى ەكەن. ال جاس­تاردىڭ 40 پايىزعا جۋىعى ەلدىڭ قوعام­دىق-ساياسي ومىرىنە قاتىسۋ جەكە قۇقىقتى قورعاۋعا كەپىلدىك بەرمەيدى دەپ سانايدى. وسى كورسەتكىشتەردى ەسكەرىپ «Jas Otan» جەر­گىلىكتى اتقارۋشى ورگاندار مەن مەكەمەلەردەگى ء(ماسليحاتتار، قوعامدىق كەڭەستەر، ت.ب.) 35 جاسقا دەيىنگى جاستاردىڭ ۇلەسىن 2025 جىل­عا دەيىن 30 پايىزعا ارتتىرۋدى كوزدەپ وتىر. وسى ورايدا جاستاردى جۇمىسپەن قام­تۋ ماسەلەسىن شەشۋدى الماتى وبلىسىنداعى جا­سوتاندىقتار قولعا الماقشى. جالپى اتالعان باعدارلاما ىسكە اسىرىلسا، ەلىمىز بويىنشا جىل سايىن 10 مىڭعا جۋىق جاس جۇ­مىسپەن قامتىلادى. وسى رەتتە «جاستار ءتا­جىريبەسى» باعدارلاماسىن ىسكە اسىرۋ ار­قىلى جاس مامانداردى جۇمىسپەن قامتۋ، ال­ماتى جاستارىن قولجەتىمدى باسپانامەن قامتاماسىز ەتۋ ماڭىزدى.

«جاستار – وتانعا!» باعدارلاماسى بويىن­شا جامبىل وبلىسىندا 2021 جىلدان باس­تاپ جاس وتباسىلارعا ارنالعان مەم­لە­كەت­تىڭ قولداۋىمەن سالىناتىن تۇرعىن ءۇي سا­تىپ الۋ ءۇشىن «اۋليەاتا جاستارى» نەسيەلەۋ باعدارلاماسىن ىسكە قوسۋ جوسپارلانىپ وتىر. وسى رەتتە وبلىس اكىمدىگىنىڭ قۇرىلىس باس­قارماسى تۇرعىن ۇيلەردىڭ باعاسىن نارىقتاعى باعادان 40 پايىزعا تومەندەتۋ ارقىلى جاستاردىڭ تۇرعىن ۇيگە قولجە­تىمدىلىگىن ارتتىرماق. بۇل – جاستاردى تۇرعىن ۇيمەن قامتاماسىز ەتۋدەگى وڭتايلى شەشىم بولارى انىق.

ال قوستاناي وبلىسىندا بۇقارالىق سپورتتى دامىتۋعا ەرەكشە كوڭىل بولىنبەك. 2025 جىلعا دەيىن باعدارلامانى ىسكە اسىرۋ اياسىندا جاساندى جابىنى بار 30 شاعىن فۋتبول الاڭى، 10 ستريتبول الاڭى، ستريت-ۆوركاۋت الاڭدارى، وبلىستىڭ قالالارى مەن اۋداندارىندا 29 حوككەي كورتى سالىنباق.

«جاستار – وتانعا!» باعدارلاماسىنىڭ جول كارتاسىندا جاستار كاسىپكەرلىگىن دا­مىتۋعا دا ەرەكشە نازار اۋدارىلادى. ايتا­لىق، ماڭعىستاۋ وبلىسىندا جىل سايىن 500 جاس «باستاۋ بيزنەس» باعدارلاماسى بويىنشا ءوز ءىسىن جۇرگىزۋدى تەگىن وقي الادى. سونداي-اق، ءوڭىردىڭ جاس كاسىپكەرلەرى ءۇشىن نەسيەلەر بويىنشا مولشەرلەمەلەردى تومەندەتۋ جانە مەملەكەتتىك سۋبسيديالارعا قولجەتىمدىلىكتى كەڭەيتۋ شارالارى ىسكە اسىرىلادى.

وڭىرلىك باعدارلامالاردا ءبىلىم بەرۋ جانە تۇلعالىق ءوسۋ سالاسى دا قام­تىلعان. تاراز قالاسىندا جاستار ساياساتى مەكتەبىنىڭ بازاسىندا جىل سايىن 70 ادام تاعىلىمدامادان وتەدى. 2023 جىلى SMART وقۋ ورتالىعىن اشۋ جوسپارلانىپ وتىر. اق­مولا وبلىسىندا 2025 جىلعا دەيىن 6 جوو-نىڭ 2 850 ورىندىق جاتاقحانا قۇرى­لىسى اياقتالادى. پەتروپاۆلدا 2021 جىلى جاستار تەاترىن اشۋ جوسپارلانىپ وتىر، ال ەلور­دادا 2 مىڭ جاسقا ارنالعان 15 جاڭا اۋلا كلۋبى سالىنادى.

2025 جىلعا دەيىنگى «جاستار – وتانعا!» باعدارلاماسىن بيىل جىل سوڭىنا دەيىن بەكىتۋ جوسپارلانعان. وعان دەيىن جوبا جاس­تار اراسىندا، ونىڭ ىشىندە «Nur Otan» پار­تياىشىلىك پرايمەريزىندەگى پىكىرسايىس­تار اياسىندا تالقىلاۋعا ۇسىنىلادى. قا­زاق­س­تان­دىق جاستار اتالعان قۇجاتپەن تانىسىپ قا­نا قويماي، سونىمەن قاتار، jasotan.kz ءجا­نە primaries.kz سايتتارى ارقىلى ءوز ۇسى­نىستارىن جولداي الادى.

سوڭعى جاڭالىقتار