17 قىركۇيەك, 13:12 397 0 پرايمەريز انار لەپەسوۆا

ەلوردالىق پرايمەريز ۇمىتكەرلەرى قالا ءومىرىن جاقسارتۋ جولدارىن ۇسىندى

«Nur Otan» پارتياسى ەلوردالىق فيليالىنىڭ «الماتى» اۋدانىنان پرايمەريزگە قاتىسۋشىلار اشىق پىكىرتالاستاردىڭ ءبىرىنشى كەزەڭىن اياقتادى. ءۇش كۇن بويى پارتيالىقتار وزدەرىنىڭ سايلاۋالدى باعدارلامالارىمەن تانىستىرىپ، مودەراتورلاردىڭ سۇراقتارىنا جاۋاپ بەردى، دەپ حابارلايدى پارتيانىڭ ەلوردالىق فيليالىنىڭ ءباسپاسوز قىزمەتى.

پىكىرتالاستاردىڭ تاقىرىبى ەلوردامىزدىڭ تۇرعىندارىن تولعاندىراتىن ماسەلەلەرگە ارنالعان. وسى تۇيتكىلدى ماسەلەلەردىڭ بارلىعى پارتيا ءوزىنىڭ سايلاۋالدى باعدارلاماسىندا ايقىنداعان قالانى دامىتۋدىڭ باسىم باعىتتارىنىڭ نەگىزىنە اينالدى. ەكولوگيا، شوب دامىتۋ، قوعامدىق قاۋىپسىزدىك، گازداندىرۋ، ۇلەستىك قۇرىلىس - بۇل ەلوردانىڭ توپ-10 تولعاندىراتىن ماسەلەلەرىنىڭ تولىق ءتىزىمى ەمەس.

«پارتيانىڭ ەلوردالىق فيليالىنىڭ سايلاۋالدى باعدارلاماسىنىڭ باستى ماقساتى - ەڭ الدىمەن حالىقتىڭ ءال-اۋقاتى مەن ءومىر ءسۇرۋ ساپاسىن جاقسارتۋ ءۇشىن جاعداي جاساۋ. قالامىزدىڭ دامۋى «نۇر-سۇلتان - جايلى قالا» جوسپارىنا سايكەس جۇرگىزىلەدى. پىكىرتالاس بارىسىندا قاتىسۋشىلار وسى پروبلەمالىق ماسەلەلەردى شەشۋدىڭ جولدارىن ۇسىنىپ، ەلورداداعى ءومىردى جاقسارتۋ بويىنشا ءوز يدەيالارىن ەنگىزۋدە»، - دەپ اتاپ ءوتتى «Nur Otan» پارتياسى ەلوردالىق فيليالى توراعاسىنىڭ ءبىرىنشى ورىنباسارى ەرلان كاناليموۆ.

پىكىرسايىستىڭ ءۇش كۇنىندە «الماتى» اۋدانىنان قاتىسۋشىلار بىرقاتار قىزىقتى يدەيالاردى ۇسىندى. ماسەلەن، مۇحاممەد بولىسبەك حالىقتى الەۋمەتتىك قورعاۋ ماسەلەسىن تالقىلاعان پىكىرتالاستا ەلوردانىڭ تۇرعىن ءۇي الاپتارىندا جاستاردى قولداۋ ورتالىقتارىن ۇيىمداستىرۋ تۋرالى ويىمەن ءبولىستى.

ونىڭ ايتۋىنشا، ورتالىقتا وسكەلەڭ ۇرپاق ءۇشىن بارلىق قىزمەت تۇرلەرى - حقكو، جۇمىسپەن قامتۋ، كاسىپكەرلىكتى قولداۋ، مەدياتسيا بولىمدەرى جانە ت.ب. ۇسىنىلادى. سونىمەن قاتار، ۇگىت-ناسيحات كەزىندە مۇحاممەد «جاستاردىڭ قاجەتتىلىكتەرى» تاقىرىبىندا الەۋمەتتىك زەرتتەۋ جۇرگىزدى، ناتيجەسىندە ورتا جانە جوعارى وقۋ ورىندارىنىڭ تۇلەكتەرىنىڭ كوپشىلىگى تاجىريبەسى جوق بولعاندىقتان جۇمىس تابا المايتىندىعى انىقتالدى.

پىكىرتالاستاعى قىزىقتى تاقىرىپتاردىڭ ءبىرى كوركەم گيمناستيكادان حالىقارالىق دارەجەدەگى سپورت شەبەرى اننا اليابەۆاعا ءتۇستى. بىرنەشە مينۋت ىشىندە ول نوسەر كارىزدەرى مەن تازارتۋ قۇرىلىستارى پروبلەماسىن شەشۋ جولدارىن ۇسىنۋى كەرەك ەدى. تانىمال سپورتشى ءوز سوزىندە بۇل ماسەلەگە ەكونوميكالىق تۇرعىدان گورى ەكولوگيالىق تۇرعىدان كوبىرەك ءمان بەرۋ كەرەكتىگىن ايتتى. ونىڭ ايتۋىنشا، بۇل جۇيەلەردىڭ بۇزىلۋى مەن ىستەن شىعۋى قالاداعى سانيتارلىق-ەپيدەميولوگيالىق جاعدايدى ناشارلاتۋى مۇمكىن. شەتەلدىك تاجىريبەنى پايدالانۋ، مامانداندىرىلعان مەكەمەلەردى تارتۋ جانە سانيتارلىق نورمالار مەن ەرەجەلەردەن باس تارتۋ نەمەسە قايتا قاراۋدى ۇسىندى.

سونىمەن قاتار، پارتياىشىلىك ىرىكتەۋ باستالعاننان بەرى ۇگىت – ناسيحات جانە اشىق پىكىرتالاستار جۇرگىزۋ بارىسىندا قانداي دا ءبىر بۇزۋشىلىقتار تىركەلگەن جوق.

پرايمەريز 2020 جىلدىڭ 17 تامىزىندا باستالدى. تىركەۋ كەزەڭىندە ەلوردانىڭ 403 تۇرعىنى ءوز كانديداتۋرالارىن ۇسىندى، ولاردىڭ باسىم بولىگى ءوزىن-ءوزى ۇسىنعان ازاماتتار.

«14 قىركۇيەكتە باستالعان ۇگىت-ناسيحات جانە اشىق پىكىرتالاس بارىسىندا ەلوردانىڭ ۇيىمداستىرۋ كوميتەتى ايتارلىقتاي بۇزۋشىلىقتاردى انىقتاعان جوق. ەگەر پرايمەريزگە قاتىسۋشى قاتەلىكتەر جىبەرسە، پارتيالىق باقىلاۋ كوميسسياسى جەدەل تۇسىنىكتەمە بەرەدى نەمەسە ەسكەرتۋ جاسايدى. پىكىرسايىستى وتكىزىپ العان قاتىسۋشىلاردا بار، مىسالى، «الماتى» اۋدانىنان 13 قاتىسۋشى پىكىرسايىسقا تۇسكەن جوق. قازىرگى ۋاقىتتا پبك مۇشەلەرى ولاردىڭ قاتىسپاۋ سەبەبىن انىقتاۋدا. كوميسسيا وتىرىسىنىڭ قورىتىندىسى بويىنشا ولارعا قاتىستى شەشىم قابىلدانادى", - دەدى «Nur Otan» پارتياسى ەلوردالىق فيليالى توراعاسىنىڭ ءبىرىنشى ورىنباسارى ەرلان كاناليموۆ.

ەلوردادا اشىق پىكىرتالاس 2020 جىلدىڭ 29 قىركۇيەگىنە دەيىن جەكسەنبىدەن باسقا كۇندەرى كۇن سايىن وتەدى. بارلىعى 9-10 ادامنان 42 توپ قۇرىلدى.

سوڭعى جاڭالىقتار