17 قىركۇيەك, 13:29 304 0 پرايمەريز Túrkistan Gazeti

ەرول بارىن: قازاقستاننىڭ دەموكراتيا ورناتۋ جولىنداعى جۇمىسى جوعارى دەڭگەيدە

ەرول بارىن، جازۋشى، تۇرىك ءتىل ءبىلىمى دوكتورى (تۇركيا):

– تۇركيا مەن قازاقستان اراسىنداعى بايلانىس كۇن وتكەن سايىن نىعايىپ كەلەدى. ەكى باۋىرلاس ەل اراسىنداعى تاريحي قاتىناستار دا جىل وتكەن سايىن تەرەڭدەپ كەلەدى. مەملەكەت باسشىلارىنىڭ دا بىرىگىپ جۇمىس ىستەۋدى باستى نازاردا ۇستاي­تىنى قۋانتادى. پاندەميا ۋاقىتىندا تۇركيا مەديتسينالىق جاب­دىقتار مەن ناۋقاستاردى ەمدەۋ جولدارىن قازاقستانمەن ءبولىستى. مۇنداي بىرلەسكەن جۇمىستار حالىقارالىق ارەنادا دا جال­عاسىپ جاتىر.

الداعى ۋاقىتتا قازاقستاندا وتەتىن جەرگىلىكتى سايلاۋدا دا تۇركيا ءوز تاجىريبەلەرىمەن بولىسپەك. قازاقستاندا پرايمەريزدىڭ ەكىنشى كەزەڭى باستالدى. دەموكراتيا جەرگىلىكتى ءوزىن-ءوزى باسقارۋ ورگاندارىمەن بىرگە كۇشەيەدى. قازاقستاننىڭ دەموكراتيانى ورناتۋ ءۇشىن جاساعان جۇمىسى وتە جوعارى دەڭگەيدە. دەموكراتيانىڭ نەگىزى بولىپ تابىلاتىن سايلاۋ جانە سايلانۋ قۇقىعى ماڭىزدى. قازاقستانداعى دە­موكراتيالىق تاسىلمەن وتكىزىلەتىن جەرگىلىكتى سايلاۋلار تۇركيادا وتكەن سايلاۋلار سەكىلدى تامىرىن تەرەڭگە جايۋعا كومەكتەسەدى دەپ سەنەمىن.

قازاقستان پرەزيدەنتى قاسىم-جومارت توقاەۆتىڭ جۇرگىزىپ وتىرعان ساياساتى وتە جوعارى دەڭگەيدە دەپ باعالايمىن. ماسەلەن، ق.توقاەۆ 2020 جىلدىڭ 1 قىركۇيەگىندەگى جولداۋىندا بيلىككە جاستاردى كوبىرەك تارتۋ جايلى ءسوز قوزعادى. توقاەۆ مىرزانىڭ بۇل ۇسىنىسى جاستار ماسەلەسىنىڭ ۋاقىتىندا شەشىلۋىنە، سونىمەن قاتار ەلدى ديناميكالىق باسقارۋعا وڭ ىقپال جاسايدى. وسىلايشا، جاس ۇرپاق اراسىندا ەلدى جانە وتاندى باسقارۋ تۋرالى تۇسىنىك كەڭىنەن تارالادى.

سوڭعى جاڭالىقتار