17 قىركۇيەك, 11:54 411 0 جاھان انار لەپەسوۆا

بۇۇ باس حاتشىسى الەم ەلدەرىن ۆاكتسينا جايلى جالعان اقپاراتتارمەن كۇرەسۋگە شاقىردى

بۇۇ-نىڭ 75-سەسسياسى شەڭبەرىندە بۇقارالىق اقپارات قۇرالدارىمەن كەزدەسكەن ۇيىمنىڭ باس حاتشىسى انتونيۋ گۋتەرريش كوروناۆيرۋستىڭ باقىلاۋدان شىعىپ بارا جاتقانىنا الاڭداۋشىلىق ءبىلدىردى، دەپ حابارلايدى ريا نوۆوستي.

"COVID-19 پاندەمياسى – بۇل ءبىزدىڭ ومىرىمىزدەگى ەشبىر داعدارىسقا ۇقسامايتىن داعدارىس. سوندىقتان باس اسسامبلەيانىڭ بيىلعى سەسسياسى دا باسقا سەسسيالارعا ۇقسامايتىن بولادى", – دەدى باس حاتشى.

گۋتەرريش ادامزات بالاسى مۇنداي داعدارىسپەن العاش رەت بەتپە-بەت كەلىپ وتىرعانىن تىلگە تيەك ەتىپ، ىندەتپەن بىرلەسىپ كۇرەسۋگە شاقىردى. الەمدە كوروناۆيرۋستان قايتىس بولعانداردىڭ سانى 1 ميلليونعا تاقاپ قالعانىن جانە دەرتتىڭ ەمىن ىزدەستىرۋدى جالعاستىرۋ قاجەتتىگىن جەتكىزدى. دەسە دە، ۆاكتسينا دايىن بولعان كۇننىڭ وزىندە ول داعدارىستى رەتتەي الماۋى مۇمكىن. ويتكەنى حالىق اراسىندا ۆاكتسيناعا دەگەن سەنىمسىزدىك بار دەيدى باس حاتشى. ول الەم ەلدەرىن ەكپە تۋرالى جالعان اقپاراتتىڭ تارالۋىن توقتاتۋعا شاقىردى.

"ۆاكتسيناعا بۇكىلالەمدىك يگىلىك دەپ قاراۋ كەرەك. ويتكەنى COVID-19 ەپيدەمياسىندا شەكارا جوق. ءبارىمىز ءۇشىن قولجەتىمدى ۆاكتسينا كەرەك", – دەدى گۋتەرريش.

ەسكە سالا كەتەيىك، ددسۇ تاعى ءبىر قازاقستاندىق ۆاكتسينانى تىركەدى. ۇيىمنىڭ ۆاكتسينالىق ۇمىتكەرلەر تىزىمىنە نانوەمۋلسيۆتى مايلى اديۋۆانت نەگىزىندەگى SARS-CoV-2 (COVID-19) ەكپەسىن قر اۋىل شارۋاشىلىعى مينيسترلىگى قازۇاۋ حالىقارالىق ۆاكتسينولوگيا ورتالىعى مەن قر دەنساۋلىق ساقتاۋ مينيسترلىگىنىڭ م.ايقىمباەۆ اتىنداعى ۇلتتىق اسا قاۋىپتى ينفەكتسيالار عىلىمي ورتالىعى بىرلەسە جاساعان. قازىر ول كلينيكاعا دەيىنگى زەرتتەۋدەن ءوتىپ جاتىر.

سوڭعى جاڭالىقتار