17 قىركۇيەك, 10:53 394 0 زاڭ انار لەپەسوۆا

سەنات ەرەكشە قورعالاتىن تابيعي اۋماقتارعا قاتىستى زاڭدى قابىلدادى

سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەرەكشە قورعالاتىن تابيعي اۋماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى قابىلداندى.

«قارالىپ وتىرعان زاڭ جوباسىنىڭ نەگىزگى ماقساتى - تۋريزم وبەكتىلەرىن، ەرەكشە ماڭىزى بار قۇرىلىستاردى سالۋ جانە ولاردىڭ جۇمىس ىستەۋى ءۇشىن بۇرىن شىعارىلعان، ماقساتى بويىنشا پايدالانباعان جەرلەردى ەرەكشە قورعالاتىن تابيعي اۋماقتار قۇرامىنا قايتارۋ ءراسىمىن وڭايلاتۋ. زاڭ جوباسىمەن جەر كودەكسىنە جانە «ەرەكشە قورعالاتىن تابيعي اۋماقتار تۋرالى» زاڭىنا وزگەرىستەر مەن تولىقتىرۋلار ەنگىزىلىپ وتىر»، - دەدى سەناتور ءابدالى نۇراليەۆ.

زاڭ جوباسى 10 قىركۇيەكتە سەنات وتىرىسىندا ءبىرىنشى وقىلىمدا ماقۇلدانعان بولاتىن.

«15 قىركۇيەكتە كوميتەتتىڭ كەڭەيتىلگەن وتىرىسى وتكىزىلدى. زاڭ جوباسى بويىنشا سەناتتىڭ تۇراقتى كوميتەتتەرى مەن دەپۋتاتتارىنان ۇسىنىستار كەلىپ تۇسكەن جوق»، - دەپ اتاپ ءوتتى دەپۋتات.

 

سوڭعى جاڭالىقتار