17 قىركۇيەك, 09:16 417 0 ونەر انار لەپەسوۆا

دانەليا تولەشوۆا America' s Got Talent بايقاۋىنىڭ فينالىنا ءوتتى

قازاقستاندىق ءانشى دانەليا تولەشوۆا اقش-تا ءوتىپ جاتقان America' s Got Talent ونەر دوداسىنىڭ اقتىق سىنىنا جولداما الدى. بۇل تۋرالى ونىڭ  PR-ديرەكتورى الەۋمەتتىك جەلىدە حابارلادى.

«دانەليا تولەشوۆا اقش كورەرمەندەرىنىڭ ءبىر تاۋلىك ىشىندە داۋىس بەرۋ ناتيجەلەرى بويىنشا فاۆوريتتەر قاتارىندا بولدى جانە الەمدىك شوۋ فينالىندا ونەر كورسەتۋ مۇمكىندىگىنە يە بولدى. فينالعا ءوتۋ ءۇشىن سىنعا تۇسكەن قاتىسۋشىلاردىڭ ۇشتىگىندە دانەليامەن قاتار «Golden buzzer»-ءدىڭ (قازىلار القاسىنىڭ ارنايى قولداۋى) ەكى يەگەرى بولدى، الايدا كورەرمەندەر قازاقستاندىق ءانشىنى قولدادى»، - دەپ حابارلايدى دانەليا تولەشوۆانىڭ PR-ديرەكتورى تاتيانا سينەنكو فەيسبۋكتەگى پاراقشاسىندا.

America' s Got Talent 15-كەزەڭىنىڭ فينالى 22 قىركۇيەكتە NBC تەلەارناسىنىڭ تىكەلەي ەفيرىندە وتەدى.

 

سوڭعى جاڭالىقتار