16 قىركۇيەك, 10:54 448 0 پرايمەريز اسىل تۇمار

«Nur Otan» پارتياسى پرايمەريزىنە قاتىسۋشى قانداستار ماسەلەسىن كوتەردى

شىعىس قازاقستان وبلىسىندا  وتكەن اشىق پىكىرسايىسقا 50-دەن استام ۇمىتكەر قاتىسىپ، قوعامنىڭ ءار سالاسىنداعى وزەكتى ماسەلەلەردى كوتەردى.

شقو-نىڭ اۋدان ورتالىقتارىندا وتكەن پىكىرسايىستا پرايمەريزگە قاتىسۋشى ۇمىتكەرلەر باعدارلامالارىندا اۋىلدى ەلدىمەكەندەردەگى ناقتى ماسەلەلەردى ءسوز ەتتى.

«اۋىلدى جەرلەردە تۇراتىن حالىقتى تازا ساپالى اۋىز سۋمەن تولىقتاي قامتاماسىز ەتۋ، جول ماسەلەسى، ءبىلىم سالاسىنداعى تۇيتكىلدەر، دەنساۋلىق سالاسىنداعى كەزەك كۇتتىرمەي شەشۋدى قاجەت ەتەتىن سۇراقتار وسىنىڭ ءبارىن ءوز باعدارلامامنىڭ باسىم باعىتتارى ەتىپ الىپ وتىرمىن»، – دەدى پرايمەريزگە قاتىسۋشى ۇمىتكەر ابۋلحانوۆ دارحان.

پىكىرسايىستىڭ ءبىرىنشى كەزەڭىندە قاتىسۋشىلار ءوز باعدارلامالارىن تانىستىرسا، ەكىنشى كەزەڭىندە سۇراقتارعا جاۋاپ بەرەدى. سپيكەرلەرگە دەباتتى ونلاين تاماشالاپ وتىرعان كورەرمەندەر الەۋمەتتىك جەلى ارقىلى سۇراق قويۋعا مۇمكىندىك الدى.

وبلىس ورتالىعىندا وتكەن پىكىرسايىسقا «Nur Otan» پارتياسى شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى ولەگ چۋگۋنكوۆ ارنايى قاتىسىپ، ۇمىتكەرلەرگە ساتتىلىك تىلەدى.

«ەلىمىز ەگەمەندىك العان كۇننەن باستاپ وزگە ەلدەگى قانداستارىمىز ەلباسىمىز نۇرسۇلتان نازارباەۆتىڭ باستاماسىمەن  «نۇرلى كوش»  باعدارلاماسى ارقىلى  اتامەكەنگە ورالۋعا مۇمكىندىك الدى. بۇگىنگى كۇنگە دەيىن ميلليونداعان باۋىرلارىمىز وتانىنا كەلىپ تابىستى قىزمەت ەتۋدە. مەملەكەت تاراپىنان قولداۋلاردا جوق ەمەس. دەسە دە قانداستارعا قاتىستى ماسەلەلەر از ەمەس، ازاماتتىق الۋداعى ءتۇرلى قيىندىققتار، باسپانامەن قامتۋ، ورتاعا بەيىمدەۋ جۇمىستارىن جۇرگىزۋ سىندى ماسەلەلەر شەشۋدى قاجەت ەتەدى»، – دەدى وسكەمەن قالاسىنان پرايمەريزگە قاتىسۋشى ۇمىتكەر اسكەرحان حۋانباي.

ايتا كەتەيىك، اشىق پىكىرسايىستار 30 قىركۇيەككە دەيىن جالعاسادى.

سوڭعى جاڭالىقتار