15 قىركۇيەك, 18:24 428 0 پرايمەريز Túrkistan Gazeti

پرايمەريز: اقمولالىق ۇمىتكەرلەر اۋىل شارۋاشىلىعى ماسەلەلەرىن كوتەردى

اقمولا وبلىسىنىڭ استراحان اۋدانىندا پرايمەريزگە قاتىسۋشىلاردىڭ پىكىرسايىسى بەلسەندى تۇردە ءوتىپ جاتىر.

بۇگىن زەلەنوە اۋىلىندا وتكەن ساياسي پىكىرتالاسقا بيزنەس، مادەنيەت، ءوندىرىس، ءبىلىم بەرۋ سالالارىنىڭ وكىلدەرى قاتىستى. پىكىرسايىس الەۋمەتتىك جەلىلەردە تىكەلەي ەفيردە كورسەتىلدى.

ءسوز سويلەۋشىلەردىڭ ارقايسىسى رەگلامەنتتى ساقتاي وتىرىپ، قاتىسۋشىلارعا ءوز جوبالارى مەن جوسپارلارى تۋرالى ايتىپ بەردى. پرايمەريزگە قاتىسۋشىلاردىڭ اراسىندا اراسىندا مال شارۋاشىلىعىن دامىتۋ، اۋىل شارۋاشىلىعىن كادرلىق قامتاماسىز ەتۋ تاقىرىپتارى قىزۋ پىكىرتالاس تۋدىردى. پروبلەمالاردى شەشۋدىڭ ءبىر شەشىمى رەتىندە مال شارۋاشىلىعىمەن اينالىسۋ ءۇشىن بيۋدجەتتىك سۋبسيديالاۋدى ارتتىرۋ قاراستىرىلدى.

اگروونەركاسىپتىك كەشەن ەكونوميكانىڭ بازالىق سالاسى ەكەنى جانە ادام ءومىرىنىڭ بارلىق سالالارى ونىڭ جاي-كۇيىنە بايلانىستى بولاتىنى دا باسا ءمان بەرە ايتىلدى.

سونداي-اق، پىكىرتالاسقا قاتىسۋشىلار جەردى جەكەشەلەندىرۋ تاقىرىبى بويىنشا پىكىر ءبىلدىردى. پىكىرسايىسشىلار مەملەكەت باسشىسى ق.توقاەۆتىڭ اگرارلىق سەكتورعا ينۆەستيتسيالار اسا ماڭىزدى جانە بولاشاقتا الدىمىزدا اۋىل شارۋاشىلىعى جەرلەرىن تولىققاندى ەكونوميكالىق اينالىمعا تارتۋ نىساندارىن ازىرلەۋ مىندەتى تۇر، - دەگەن سوزدەرىن قولدايتىندارىن اتاپ ءوتتى.

"كوپشىلىك پىكىرسايىس —  ماسەلەنى تالقىلاۋدىڭ جانە شەشۋدىڭ، سونىمەن قاتار باسقا دا قيىن سۇراقتارعا جاۋاپ ىزدەۋدىڭ تاپتىرماس جولى. ءبىزدىڭ اۋداندا پرايمەريزدىڭ 41 قاتىسۋشىسى تىركەلگەن، ولار 12 توپقا بولىنگەن، ولاردىڭ بارلىعى پىكىرسايىسقا قاتىسادى", - دەپ پىكىر ءبىلدىردى "Nur Otan" پارتياسى استراحان اۋداندىق فيليالى توراعاسىنىڭ ءبىرىنشى ورىنباسارى قۇرالبەك سۇلەيمەنوۆ.

سوڭعى جاڭالىقتار