15 قىركۇيەك, 18:29 439 0 نۇر وتان Túrkistan Gazeti

«جاستار-وتانعا!»: جاستاردىڭ باسپانا ساتىپ الۋى جەڭىلدەي تۇسپەك

بەلسەندىلەردىڭ ايتۋىنشا، جاستاردىڭ باسپانالى بولۋى «جاستار-وتانعا!» باعدارلاماسى اياسىندا مۇمكىن بولماق. بۇگىن اتالعان باعدارلاما ورتالىق كوممۋنيكاتسيالار قىزمەتى الاڭىندا وتكەن ساراپتامالىق بريفينگتە تانىستىرىلدى. جۇمىستىڭ بەس جاڭا باعىتىنىڭ ءبىرى جۇمىسقا ورنالاستىرۋ تەتىكتەرىن دامىتۋعا جانە جاستار كاسىپكەرلىگىن قولداۋعا قاتىستى. 

سونداي-اق، الداعى 5 جىلدا جاستار اراسىنداعى جۇمىسسىزدىقتى 3,7% - عا دەيىن، ال NEET ۇلەسىن 6,8% - عا دەيىن تومەندەتۋگە نيەتتى.

«Jas Otan» جاستار قاناتىنىڭ توراعاسى ەلنۇر بەيسەنباەۆ اتاپ وتكەندەي، جاس قازاقستاندىقتاردىڭ 1/5 بولىگىنىڭ عانا ءوز باسپاناسى بار. سوندىقتان ءتورتىنشى باعىت - جاستاردىڭ باسپانا ساتىپ الۋىن قولجەتىمدى ەتۋ. قازىر بۇل ساناتقا جاتاتىنداردىڭ «7-20-25»، «نۇرلى جەر»، «جاس وتباسى» باعدارلامالارى بويىنشا تۇرعىن ءۇي ساتىپ الۋعا مۇمكىندىگى بار. بىراق باستاپقى جارنا مەن تابىس دەڭگەيىنە قاتىستى ماسەلەلەر تۋىندايدى. سونداي-اق، جەرگىلىكتى اتقارۋشى ورگاندار جەلىسى بويىنشا جاس وتباسىلارعا ارنالعان تۇرعىن ءۇي باعدارلامالارى جوق. وڭىرلەردەگى مادەني دەمالىس ماسەلەلەرىنە قاتىستى دا قيىندىقتار بار.

«كەيبىر وڭىرلەردە، مىسالى، كىتاپحانالار از، باسقالارىندا ولاردىڭ سانى ونداعان ەسە كوپ، سپورت كەشەندەرىمەن، ستاديوندارمەن جانە كوۆوركينگ ورتالىقتارىمەن دە جاعداي سولاي. اۋىلداردا دا، قالادا دا جاستار دەمالىسىنا ارنالعان مەكەمەلەر تاپشىلىعى بايقالادى. جول كارتالارىندا اۋىل جاستارىنا ەرەكشە كوڭىل بولىنگەن. اۋىلدىق جەرلەردە جالپى 450 مىڭ ادامعا ەسەپتەلگەن سپورت نىسانى سالىناتىن بولادى. ال قازاقستاندىق ستۋدەنتتەردىڭ 1/4 بولىگى جاتاقحانامەن قامتاماسىز ەتىلەدى»، - دەدى پارتيانىڭ جاستار قاناتىنىڭ توراعاسى.

سوڭعى جاڭالىقتار