4 قىركۇيەك, 15:03 1363 0 جاڭالىقتار ارايلىم بيمەنديەۆا

«اشىق جۇرەك» جوباسى ەرىكتىلەرگە گرانتتار ۇسىنادى

بۇگىن ەرىكتىلەرگە جاڭا مۇمكىندىك بەرەتىن «اشىق جۇرەك» جوباسى تانىستىرىلدى. جوبا ازاماتتىق باستامالاردى قولداۋ ورتالىعىنىڭ تاپسىرىسى بويىنشا اقپارات جانە قوعامدىق دامۋ مينيسترلىگىنىڭ قولداۋىمەن ىسكە اسىرىلادى. جوبانىڭ ماقساتى – تۇرعىندار اراسىندا ەرىكتىلەردىڭ جۇمىسىن ناسيحاتتاۋ، ولاردىڭ باستامالارىن قولداۋ. 

جوبا اياسىندا 107 گرانت بولىنەدى، ونىڭ ىشىندە قۇنى 300 مىڭ تەڭگە بولاتىن 56 گرانت ەلىمىزدىڭ بارلىق ايماعى بويىنشا، ال 42 گرانت 14 وبلىستاعى ەرىكتىلەر مەن ەرىكتىلەر ۇيىمدارىنا بەرىلمەك. ال قۇنى 500 مىڭ بولاتىن 9 گرانت  رەسپۋبليكالىق ماڭىزى بار قالالارداعى ەرىكتىلەر مەن ەرىكتىلەر ۇيىمىنا  ۇسىنىلادى. ايتا كەتسەك، جوباعا قاتىسقىسى كەلەتىن ازاماتتار liga.org.kz پلاتفورماسىنا تىركەلىپ، ءوتىنىش بەرۋ كەرەك.

«اشىق جۇرەك» جوباسى اياسىندا قازاقستاننىڭ ەرىكتىلەر قوزعالىسى جاڭا 20 مىڭ باستاماشىل ەرىكتىنى قاتارعا قوسۋعا نيەتتى. سونداي-اق بۇل جوبا اياسىندا وڭىرلەردە ەرىكتىلەردىڭ جاڭا 17 ۇيلەستىرۋ ورتالىعى اشىلادى.

سوڭعى جاڭالىقتار