12 تامىز, 18:47 508 0 ءبىلىم ءدىلدا ۋاليبەك

اتىراۋ وبلىستىق ءبىلىم بەرۋ باسقارماسىنا جاڭا باسشى تاعايىندالدى

اتىراۋ وبلىسى ءبىلىم بەرۋ باسقارماسىنىڭ باسشىسى بولىپ ساتقان ىبىرايۇلى ەسەنعاليەۆ تاعايىندالدى.

ساتقان ەسەنعاليەۆ 1988 جىلى گۋرەۆ پەداگوگيكالىق ينستيتۋتىن «تاريح، قوعامتانۋ ءپانىنىڭ مۇعالىمى» ماماندىعى بويىنشا تامامداعان. تاريح عىلىمدارىنىڭ كانديداتى.

ەڭبەك جولىن ماحامبەت اۋداندىق مادەنيەت بولىمىندە باستاعان. ءار جىلدارى  ماحامبەت اۋدانىنىڭ جالعانساي ورتا مەكتەبىندە، №1 وبلىستىق مەكتەپ-ينتەرناتىندا وقىتۋشى، ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ پرورەكتورى بولىپ قىزمەت اتقارعان.

2008 جىلى - كەڭوزەك سەلولىق وكرۋگىنىڭ اكىمى، قر مەملەكەتتىك قىزمەت ىستەرى جونىندەگى اگەنتتىگىنىڭ اتىراۋ وبلىسى بويىنشا باسقارماسىنىڭ مەملەكەتتىك قىزمەتتى كادرلارمەن قامتاماسىز ەتۋ ءبولىمى باستىعى;

2008-2009 جىلدارى — اتىراۋ قالالىق ءبىلىم ءبولىمىنىڭ باستىعى;

2009-2011 جىلدارى – قر بالالاردىڭ قۇقىقتارىن قورعاۋ كوميتەتىنىڭ اتىراۋ وبلىسى بالالاردىڭ قۇقىقتارىن قورعاۋ دەپارتامەنتىنىڭ باسشىسى;

2011-2013 جىلدارى - اتىراۋ وبلىسى ءبىلىم بەرۋ باسقارماسىنىڭ باسشىسى;

2013-2014 جىلدارى  - قر ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ اتىراۋ وبلىسى بويىنشا بالالار قۇقىعىن قورعاۋ دەپارتامەنتىنىڭ باسشىسى قىزمەتىن اتقارعان.

2014 جىلدان 2017 جىلعا دەيىن  ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە وقىتۋشى، ءبىلىم جانە عىلىم سالاسىنداعى باقىلاۋ كوميتەتىنىڭ اتىراۋ وبلىسى ءبىلىم سالاسىنداعى باقىلاۋ دەپارتامەنتىنىڭ  باسشىسى بولىپ جۇمىس ىستەدى.

2017 جىلدان باستاپ وسى ۋاقىتقا دەيىن قر ءبىلىم جانە عىلىم مينيسترلىگى ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ اتىراۋ وبلىستىق  ءبىلىم  سالاسىندا ساپانى  قامتاماسىز ەتۋ دەپارتامەنتىنىڭ باسشىسى لاۋازىمىن اتقارعان.

سوڭعى جاڭالىقتار