12 تامىز, 17:45 835 0 ساياسات انار لەپەسوۆا

پرەزيدەنت ساۋات مىڭباەۆقا تاپسىرما بەردى

مەملەكەت باسشىسى قاسىم-جومارت توقاەۆ «قازاقستان تەمىر جولى» ۇك» اق باسقارما توراعاسى ساۋات مىڭباەۆتى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى.

ساۋات مىڭباەۆ قاسىم-جومارت توقاەۆقا «قازاقستان تەمىر جولى» ۇك» اكتسيونەرلىك قوعامىنىڭ بيىل اتقارعان جۇمىسى جايىندا ەسەپ بەردى. باسقارما توراعاسىنىڭ ايتۋىنشا، 2020 جىلدىڭ ءبىرىنشى جارتىجىلدىعىندا جۇك اينالىمى وتكەن جىلدىڭ اتالعان كەزەڭىمەن سالىستىرعاندا 3,5%-عا ارتقان. قازاقستان مەن قىتاي اراسىنداعى جۇك تاسىمالىنىڭ كولەمى ءبىرشاما وسكەن. سوعان سايكەس مەملەكەتارالىق بەكەتتەگى وتكىزۋ قابىلەتىن ارتتىرۋ شارالارى قابىلدانادى.

«قتج» ۇك» اق باسشىسى پاندەميانىڭ جولاۋشىلار تاسىمالىنا اسەر ەتكەنىن اتاپ ءوتتى. ونىڭ ايتۋىنشا، وتكەن جىلمەن سالىستىرعاندا جولاۋشىلار تاسىمالىنىڭ كولەمى ەكى ەسەگە ازايعان. سوعان قاراماستان كومپانيا جولاۋشىلارعا قىزمەت كورسەتۋدىڭ جاڭا ستاندارتتارىن ەنگىزىپ، جولاۋشىلار ۆاگوندارىنىڭ پاركىن جاڭارتىپ جاتىر.

كەزدەسۋ سوڭىندا قازاقستان پرەزيدەنتى بىرقاتار ناقتى تاپسىرما بەردى.

 

 

 

سوڭعى جاڭالىقتار