12 تامىز, 15:45 583 0 دەنساۋلىق ارايلىم بيمەنديەۆا

قاراقۇمىق ۇنىنان جاسالعان گليۋتەنسىز ونىمدەر نارىققا شىقتى

«گليۋتەنسىز ءونىم» دەگەن جاپسىرماسى بار تاۋاردىڭ بارلىعى اعزاعا پايدالى دەپ ەسەپتەۋ ۇلكەن قاتە. قازاقستان جانە الەم نارىعىندا ۇسىنىلعان گليۋتەنسىز ونىمدەردە ترانس مايلار، تازارتىلعان قانت جانە حيميالىق ينگرەديەنتتەر بولادى. وسى ماسەلەنى شەشۋ ءۇشىن جاس قازاقستاندىق VegApple كومپانياسى تولىققاندى جانە دۇرىس تاماقتانۋ تالاپتارىنا ساي كەلەتىن تاۋارلار جەلىسىن نارىققا شىعاردى.

– جاس بالالار ءۇشىن دە، مەديتسينالىق سەبەپتەرمەن ديەتا ۇستاناتىن ادامدار ءۇشىن دە قولايلى 100% گليۋتەنسىز جانە دەنساۋلىققا پايدالى ۇن قوسپاسىن ويلاپ تابۋدى كوپتەن بەرى ارماندادىم، – دەيدى VegApple نەگىزىن قالاۋشى يۋليا گروشەۆا. كارانتين كەزىندە ءبىز بۇرىن قولدانعان ۇندى جەتكىزۋ توقتاتىلدى. ال قالعان تاۋار باعاسى ەكى ەسەگە ءوستى. ءوندىرىستى توقتاتپاۋ ءۇشىن شۇعىل شارالار قابىلداۋ قاجەت بولدى. وسىلاي، داعدارىستىڭ ارقاسىندا يدەيا جۇزەگە اسا باستادى، – دەيدى ول.

VegApple تەحنولوگتارى استىقتىڭ تۇرلەرىن زەرتتەپ، قاراقۇمىق جارمالارىن مۇقيات تەكسەردى. جاڭا ءونىمدى جاساۋ كەزىندە بىرنەشە ولشەمدەرگە ۇلكەن ءمان بەرىلدى. باستىسى – ۇن مونو قوسپادان، ياعني ءبىر ينگرەديەنتتەن تۇرۋى كەرەك. ەكىنشى ماڭىزدى فاكتور – ىستىققا توزىمدىلىك جانە تۇراقتىلىق. ءۇشىنشى شارت – ىشىنە سالىنعان قوسپا ءدامىن سەزىنۋ ءۇشىن ۇننىڭ ءدامى ۇستەم بولماۋى كەرەك. جاسىل قاراقۇمىق ۇنى وسى ولشەمدەردىڭ بارلىعىنا تولىقتاي ساي كەلەدى. سونىمەن قاتار ول گيپواللەرگەندى جانە دارۋمەندەرگە باي.

«كليەنتتەرىمىزگە تولىقتاي سەنىمدى ءونىمدى ۇسىنۋعا قۋانىشتىمىز. قاراقۇمىق ۇنىنان جاسالعان جارتىلاي فابريكاتتار – بۇل الەمدىك نارىقتاعى ەرەكشە ءونىم، ولار تولىقتاي گليۋتەنسىز، جۇمىرتقاسىز جانە كراحمالسىز. تۇتىنۋشىلار تاراپىنان جاعىمدى پىكىرلەر الىپ جاتقانىمىزعا قۋانىشتىمىز، – دەيدى يۋليا گروشەۆا.

سوڭعى جاڭالىقتار