12 تامىز, 15:37 2068 0 ايماق انار لەپەسوۆا

الماتى وبلىسىنىڭ باس سانيتارلىق دارىگەرى تاعايىندالدى

الماتى وبلىسىندا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ جاڭا باسشىسى بولىپ ەرعالي سىدىمانوۆ تاعايىندالدى.

ول بۇعان دەيىن ماڭعىستاۋ وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى قىزمەتىن اتقارعان.

ەرعالي جاقسىبەكۇلى 1970 جىلدىڭ 7 ساۋىرىندە قاراعاندى وبلىسى قاراعاندى قالاسىندا دۇنيەگە كەلگەن. 1996 جىلى س.د. اسفەندياروۆ اتىنداعى الماتى مەملەكەتتىك مەديتسينا ينستيتۋتىن، 2004 جىلى م. ح. دۋلاتي اتىنداعى تاراز مەملەكەتتىك ۋنيۆەرسيتەتىن دارىگەر-گيگيەنيست، ەپيدەميولوگ جانە زاڭگەر ماماندىقتارى بويىنشا تامامداعان. 2020 جىلى قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىن ءبىتىرىپ، دەنساۋلىق ساقتاۋ ماگيسترى اتاعىن الدى.

ەڭبەك جولىن 1987 جىلى جامبىل قالاسىندا جەدەل جاردەم ءبولىمىنىڭ سانيتارى بولىپ باستاعان. كەيىن جامبىل وبلىسى كوممۋنالدىق گيگيەنا ءبولىمىنىڭ مەڭگەرۋشىسى رەتىندە قىزمەت اتقارعان.

1999 جىلى اتىراۋ قالاسى باس دارىگەرىنىڭ سەس ورىنباسارى بولىپ تاعايىندالدى. 2000 جىلى اتىراۋ قالالىق سانيتارلىق ەپيدەميولوگيالىق ستانتسياسىنىڭ باس دارىگەرى قىزمەتىندە بولدى.

2003 جىلى تالدىقورعان قالالىق مەملەكەتتىك سانيتارلىق-ەپيدەميولوگيالىق قاداعالاۋ باسقارماسى باستىعىنىڭ مىندەتىن اتقارۋشى،

2005-2019 جىلدار ارالىعىندا - الماتى وبلىستىق مەملەكەتتىك سانيتارلىق-ەپيدەميولوگيالىق قاداعالاۋ باسقارماسىنىڭ باستىعى.

2019 – 2020 جىلدارى قازاقستان رەسپۋبليكاسى دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ مانعىستاۋ وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى بولعان.

 

سوڭعى جاڭالىقتار