12 تامىز, 14:17 496 0 ءوندىرىس ارايلىم بيمەنديەۆا

سەمەيدە تەرى-بىلعارى كومبيناتى قايتا ىسكە قوسىلدى

سەمەي قالاسىنداعى تەرى-بىلعارى كومبيناتىندا ءىرى قارا مال تەرىسىن وڭدەۋ، بىلعارى ونىمدەرىن ءوندىرۋ جانە وتكىزۋ قولعا الىنباق. بۇگىنگى تاڭدا 60-تان استام ادام جۇمىس ىستەيتىن زاۋىتتا بولاشاقتا كومبينات قۋاتتىلىعىنىڭ جۇكتەلۋىنە قاراي قىزمەتكەرلەر سانى 200-گە دەيىن جەتەدى دەپ جوسپارلانىپ وتىر.

«بۇگىنگى تاڭدا شيكىزات جەتكىزۋ پارتياسى الىندى، ىسكە قوسۋ-رەتتەۋ جۇمىستارىن جۇرگىزدىك، 3 000 شارشى مەتردەن استام دايىن ءونىم – wet blue جارتىلاي فابريكاتىنىڭ تاجىريبەلىك پارتياسىن شىعاردىق»، – دەدى «Semey Tannery» جشس اتقارۋشى ديرەكتورى رۋسلان بيسەنوۆ.

جوعارى ساپالى بىلعارىنى حرومدى يلەۋدىڭ wet blue جارتىلاي فابريكاتىن دايىنداۋ – بۇل جوعارى كاسىبي كوزقاراس پەن مامانداندىرىلعان ءبىلىمدى قاجەت ەتەتىن ءۇش ساتىلى يلەۋ پروتسەسى. بۇل ءونىم جوعارى ساپادان باسقا، بەرىكتىگىمەن، قولايلى وزىندىك قۇنىمەن جانە سايكەسىنشە، ماتەريالدىڭ تومەن باعاسىمەن ەرەكشەلەنەدى.

بۇل جارتىلاي فابريكاتتى جەڭىل، جىلى كۇرتەشەلەر، اياق كيىم، اكسەسسۋارلار، ءار ءتۇرلى قالپاقتار، بەلدىكتەر شىعارۋ ءۇشىن قولدانۋعا بولادى.

كومبيناتتىڭ قۋاتى جىلىنا 1,7 ملن. شارشى مەترگە دەيىن wet blue جارتىلاي فابريكاتىن قۇرايدى دەپ جوسپارلانۋدا.

سوڭعى جاڭالىقتار