12 تامىز, 12:54 496 0 ساياسات انار لەپەسوۆا

سەنات دەپۋتاتتارىن سايلاۋ: ەلوردادا كىم كوپ داۋىس جيناعانى بەلگىلى بولدى

بۇگىن استاناداعى تاۋەلسىزدىك سارايىندا سەنات دەپۋتاتىن سايلاۋ ءوتتى.

نۇر-سۇلتان قالاسىنان ەلىمىزدىڭ جوعارعى زاڭ شىعارۋشى ورگانىنىڭ جوعارى پالاتاسىنا ءۇش كانديدات تىركەلگەن بولاتىن.

داۋىس بەرۋ قورىتىندىسى بويىنشا اقىلبەك كۇرىشباەۆ 15 داۋىس جينادى. ال ماۋلەن سامامبەتوۆ - 2, مەيرامباي ورالوۆ 3 داۋىس قانا جينادى.

سايلاۋعا قالالىق ءماسليحاتتىڭ 21 دەپۋتاتىنىڭ 20-سى قاتىسىپ، ءوز تاڭداۋىن جاسادى.

ەسكە سالا كەتەيىك، بۇعان دەيىن سەنات توراعاسى ماۋلەن اشىمباەۆ جوعارى پالاتا ەلىمىزدىڭ بارلىق ءوڭىرىنىڭ پارلامەنتتەگى وكىلدىگىن قامتاماسىز ەتەتىنىن مالىمدەگەن.

سەنات سپيكەرىنىڭ ايتۋىنشا، ءار قابىلدانعان زاڭنىڭ ونداعان مىڭ وتباسى مەن ناقتى ادامداردىڭ تىنىس-تىرشىلىگىنە تىكەلەي اسەرى بار. "وسى رەتتە پارلامەنت پالاتالارىنىڭ جۇمىسى زاڭ شىعارۋ ۇدەرىسىنىڭ بارىنشا ءتيىمدى ءارى تەڭگەرىمدى بولۋىنا مۇمكىندىك بەرەدى جانە زاڭداردى ەلدىڭ، سونداي-اق، ءار ازاماتتىڭ مۇددەسىن ەسكەرىپ قابىلداۋدى قامتاماسىز ەتەدى", – دەدى ول.

سوڭعى جاڭالىقتار