12 تامىز, 10:25 439 0 جاڭالىقتار انار لەپەسوۆا

شقو-دا بالىق اۋلاۋ ەرەجەسىن بۇزعاندارعا 9,8 ملن ايىپپۇل سالىندى

شقو-دا بالىق رەسۋرستارىن قورعاۋ اياسىندا 577 تۇلعا جاۋاپكەرشىلىككە تارتىلدى. بۇل تۋرالى قر ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى حابارلادى.

مينيسترلىكتىڭ شقو بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ قىزمەتكەرلەرى 2020 جىلدىڭ 7 ايىندا باقىلاناتىن اۋماقتاردا بالىق قورعاۋ زاڭناماسى نورمالارىنىڭ ساقتالۋىن تەكسەرۋ بويىنشا 1 317 جەدەل رەيد جۇرگىزدى.

رەيدتىك تەكسەرىستەر بارىسىندا بالىق رەسۋرستارىن قورعاۋ اياسىندا 577 زاڭ بۇزۋشىلىق انىقتالدى. ول بويىنشا 577 تۇلعا جاۋاپكەرشىلىككە تارتىلدى. ونىڭ ىشىندە ورەسكەل زاڭ بۇزۋشىلىق جاساعانى ءۇشىن (تىيىم سالىنعان اۋلاۋ قۇرالدارىن پايدالانۋ، تىيىم سالىنعان مەرزىمدەردە جانە ورىنداردا بالىق اۋلاۋ، تىركەلمەگەن قايىقتاردى جانە ت.ب. قولدانۋ) 95 ماتەريال سوتقا جىبەرىلدى. 9 801 384 تەڭگەگە ايىپپۇل سالىندى، 5 415 850, 6 تەڭگە سوماسىنداعى زالالدى ءوندىرۋ بويىنشا تالاپ-ارىز ۇسىنىلدى. زاڭسىز قولدانىلعان 1 352 دانا اۋلاۋ قۇرالى الىنىپ قويىلدى، ونىڭ ىشىندە سينتەتيكالىق مونو-تالشىقتان جاسالعان 924 اۋ، 11 قايىق جانە ءارتۇرلى تيپتەگى 6 موتور، 3933,7 كگ زاڭسىز ولجالانعان بالىق تاركىلەندى.

2020 جىلدىڭ 7 ايىندا ينسپەكتسيانىڭ لاۋازىمدى تۇلعالارى تابيعات قورعاۋ زاڭناماسىن بۇزۋ فاكتىلەرى بويىنشا 7 قىلمىستىق ءىس قوزعادى. ناتيجەسىندە 9 ادام جاۋاپكەرشىلىككە تارتىلدى. قۇرامىنا مۇددەلى ورگاندار (پروكۋراتۋرا، ءىىد، جاو، ينسپەكتسيا) كىرەتىن جەدەل توپتار قۇرىلدى. قۇقىق قورعاۋ ورگاندارىنىڭ وكىلدەرىمەن جۇرگىزىلگەن 32 بىرلەسكەن رەيدتىك ءىس-شارا بارىسىندا 8 قۇقىقبۇزۋشىلىق اشىلدى.

شقو شەڭبەرىندەگى سۋ ايدىندارىندا 2020 جىلعى 15 اقپاننان باستاپ 2020 جىلعى 1 شىلدە ارالىعىندا بالىقتى جانە باسقا سۋ جانۋارلارىن اۋلاۋعا بەكىتىلگەن ليميت 3804,973 توننانى قۇرايدى، ونىڭ 3591,591 تونناسى، 94,3%-ى يگەرىلدى. 2020 جىلدىڭ ءبىرىنشى جارتى جىلدىعى بويىنشا حالىقارالىق جانە رەسپۋبليكالىق ماڭىزى بار بالىق شارۋاشىلىعى سۋ ايدىندارىندا 3206,4 مىڭ تەڭگە سوماعا 2658,0 مىڭ دانا بالىق جىبەرىلدى. جەرگىلىكتى ماڭىزى بار بالىق شارۋاشىلىعى سۋ ايدىندارىندا 350,0 مىڭ تەڭگە سوماعا 1000,0 مىڭ دانا بالىق جىبەرىلدى.

كەلتىرىلگەن زالالدى ءوندىرىپ الۋ ەسەبىنەن «ءشۇلبى گەس» جشس 2 917 707 تەڭگە سوماعا 132623 دانا، «وسكەمەن گەس» جشس 6 955 847 تەڭگە سوماعا 297 730 دانا، «كازتسينك» جشس 1 773 333 تەڭگە سوماعا 70933 دانا بالىق جىبەرۋ جۇمىستارىن جۇرگىزدى.

 

سوڭعى جاڭالىقتار