11 تامىز, 17:50 439 0 ايماق انار لەپەسوۆا

پاۆلودار وبلىستىق سوتىنىڭ توراعاسى تاعايىندالدى

مەملەكەت باسشىسىنىڭ جارلىعىمەن باقىتجان قارامانوۆ پاۆلودار وبلىستىق سوتىنىڭ توراعاسى بولىپ تاعايىندالدى. بۇل تۋرالى ءوڭىر اكىمىنىڭ ءباسپاسوز قىزمەتى حابارلادى.

جاڭا باسشىنى پاۆلودار وبلىسىنىڭ قۇقىق قورعاۋ بلوگى وكىلدەرىنە ءوڭىر اكىمى ابىلقايىر سقاقوۆ تانىستىردى. اكىم باقىتجان قارامانوۆتىڭ سوت جۇيەسىندەگى ۇلكەن تاجىريبەسىن اتاپ ءوتىپ، جاڭا جۇمىسىنا ساتتىلىك تىلەدى.

«سوت جۇيەسىنىڭ جۇمىسى بۇكىل قوعام ءۇشىن اسا ماڭىزدى. سوت جانە قۇقىق قورعاۋ ورگاندارىنىڭ دا، جالپى مەملەكەتتىك اپپاراتتىڭ دا باسىم مىندەتتەرىنىڭ ءبىرى تۇرعىنداردىڭ سەنىمى بولىپ تابىلادى. ءسىزدىڭ مول جۇمىس تاجىريبەڭىز مەملەكەت باسشىسىنىڭ سوت جۇيەسىنە جۇكتەگەن مىندەتتەردى شەشۋگە ىقپال ەتەتىنىنە سەنىمدىمىن»، - دەدى ءوڭىر باسشىسى.

باقىتجان قارامانوۆ جاڭا قىزمەتىنە دەيىن بەس جىل الماتى قالالىق سوتىندا - قىلمىستىق ىستەر جونىندەگى سوت القاسىنىڭ توراعاسى جانە سۋديا قىزمەتىن اتقاردى. ونىڭ الدىندا، ياعني 2002-2015 جىلدار ارالىعىندا اسكەري سوتتىڭ سۋدياسى بولعان.

ءار جىلدارى قر قارۋلى كۇشتەرى اسكەري سوتىندا، قر باس پروكۋراتۋراسىنىڭ اسكەري پروكۋراتۋرالار باسقارماسىندا، ىشكى اسكەرلەردىڭ اسكەري پروكۋراتۋراسىندا جانە تاعى باسقا لاۋازىمداردا بولعان.

 

سوڭعى جاڭالىقتار