11 تامىز, 13:21 659 0 جاڭالىقتار ءدىلدا ۋاليبەك

قازاق قىزى يلون ماسكتىڭ جوباسىندا جۇمىس ىستەيدى

20 جاسار جاننا ىقىلاس جاس ماماندار توبىنىڭ قۇرامىندا يلون ماسك ۇسىنعان «Hyperloop» ۆاكۋمدىق پويىزىنىڭ جوباسى بويىنشا جۇمىس ىستەيدى.

2013 جىلى باستالعان ۆاكۋمدىق پويىزدىڭ جوباسى ءالى تولىق اياقتالماعان. بۇل پويىزدىڭ جىلدامدىعى، تەوريالىق تۇرعىدان ۇشاقتىڭ جىلدامدىعىنا جاقىن: ساعاتىنا 700-800 شاقىرىم قاشىقتىقتى ەڭسەرە الادى.

جاننا فلوريدا ۋنيۆەرسيتەتىنىڭ Gatorloop كومانداسىنىڭ مۇشەسى. 2017 جىلدىڭ قاڭتارىندا ولاردىڭ توبى 1500 توپتىڭ ىشىنەن ىرىكتەلگەن 22 توپتىڭ ءبىرى بولىپ،  كاليفورنياداعى SpaceX بازاسىنا شاقىرىلعان.

«مەن ءاردايىم ادامزاتتىڭ ءومىرىن جاقسارتاتىن، سونىمەن قاتار قورشاعان ورتاعا زيان كەلتىرمەيتىن جاڭاشىل جوبالارمەن جۇمىس ىستەگىم كەلەتىن. بۇل جەردەن ىزدەگەنىمدى تاپتىم. مەنىڭ وقۋدى بىتىرۋىمە 3 سەمەستر قالدى، ال وقۋ بىتىرگەن سوڭ ماعان كوماندادان كەتۋگە تۋرا كەلەدى. مەن تاجىريبەمنىڭ ارقاسىندا يننوۆاتسيا سالاسىندا جۇمىس تابا الامىن دەپ ويلايمىن، ال سودان كەيىن مەن ينجەنەرلىك ماگيستر دارەجەسىن العىم كەلەدى»، - دەيدى جاننا.

 

سوڭعى جاڭالىقتار