10 تامىز, 18:40 1835 0 دەنساۋلىق انار لەپەسوۆا

قازاقستاندا ءۇش بالا كاۆاساكي سيندرومىنا شالدىقتى

كوروناۆيرۋس جۇقتىرعان 114 بالا ەل اۋرۋحانالارىندا ەم قابىلداپ جاتىر. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ءمالىم ەتتى. 

«ناۋرىز ايىنان باستاپ بالالاردىڭ كوروناۆيرۋس ينفەكتسياسىن جۇقتىرۋدىڭ 2 257 جاعدايى تىركەلدى. ونىڭ ىشىندە قازىرگى كەزدە قازاقستان اۋرۋحانالارىندا 114 بالا جاتىر»، - دەدى ول.

رەسمي وكىلدىڭ ايتۋىنشا، كوروناۆيرۋسقا شالدىققان ءۇش جەتكىنشەكتە كاۆاساكي سيندرومى انىقتالعان. اتاپ ايتقاندا، قاۋىپتى كەسەلگە شالدىعۋ دەرەكتەرى الماتى، نۇر-سۇلتان جانە پەتروپاۆل قالالارىندا تىركەلگەن. ەلوردادا سىرقاتتانىپ جاتقان بالانىڭ جاعدايىن ماماندار اۋىر دەپ باعالاپ وتىر.

ەسكە سالا كەتسەك، بۇعان دەيىن باعدات قوجاحمەتوۆ ەلىمىزدە كوروناۆيرۋستى جۇقتىرۋ ءوسىمى توقتاعانىن مالىمدەگەن.

وتكەن تاۋلىكتە قازاقستاندا 741 ادامنان كوروناۆيرۋس انىقتالىپ، ىندەتكە شالدىققانداردىڭ جالپى سانى 100 مىڭعا جۋىقتادى. ىندەتتەن 72,5 مىڭ ادام ەمدەلىپ شىقتى. 1058 ادام قايتىس بولدى.

ال  كوروناۆيرۋس بەلگىلەرى بار پنەۆمونياعا شالدىعۋدىڭ 13280 دەرەگى تىركەلدى. تامىزدىڭ باسىنان بەرى وكپە دەرتىنەن 161 ادام كوز جۇمدى.

 

 

سوڭعى جاڭالىقتار