10 تامىز, 16:55 428 0 جاھان انار لەپەسوۆا

COVID-19: اۆستراليادا ىندەت ءورشىپ بارادى

اۆستراليادا كوروناۆيرۋستىڭ تارالۋ قارقىنى باسەڭدەر ەمەس.

جەرگىلىكتى اقپارات قۇرالدارىنىڭ حابارلاۋىنشا، ۆيكتوريا شتاتىنداعى جاعداي الاڭداتارلىق. مەلبۋرندا ىندەتتەن ءبىر تاۋلىك ىشىندە 19 ادام كوز جۇمدى. پاندەميا باستالعالى مۇنداي ۇرەيلى كورسەتكىش العاش رەت تىركەلىپ وتىر.

ەسكە سالا كەتەيىك، اۆستراليانىڭ مەلبۋرن قالاسىندا شىلدەنىڭ ورتاسىنان باستاپ لوكداۋن ەنگىزىلگەن. بەس ميلليوننان اسا تۇرعىنى بار مەگاپوليستىڭ بارلىق وقۋشىلارى قاشىقتان ءبىلىم الۋعا كوشتى. مەيرامحانالار تەك تاپسىرىستى ۇيگە جەتكىزۋ قىزمەتىن كورسەتۋدە. ۆيكتوريا شتاتىنىڭ شەكارالارى جابىق. اۋماقتاعى شەكتەۋ شارالارىنىڭ ساقتالۋىن قاداعالاۋ ءۇشىن پوليتسيا مەن اسكەريلەر، شەكاراشىلار جانە پيلوتسىز ۇشاتىن قۇرىلعىلار جۇمىلدىرىلعان.

سوڭعى دەرەك بويىنشا، اۆستراليادا 21 مىڭنان اسا ادام كوروناۆيرۋس جۇقتىرعان. پاندەميا باستالعالى ىندەتتەن 295 ادام كوز جۇمدى.

سوڭعى جاڭالىقتار