10 تامىز, 15:22 2073 0 ساياسات انار لەپەسوۆا

ومىرزاق شوكەەۆتىڭ ءبىرىنشى ورىنباسارى تاعايىندالدى

تۇركىستان وبلىسى اكىمىنىڭ ءبىرىنشى ورىنباسارى تاعايىندالدى. قر پرەزيدەنتى اكىمشىلىگىنىڭ كەلىسىمىمەن جانە تۇركىستان وبلىسىنىڭ اكىمى ومىرزاق شوكەەۆتىڭ وكىمىمەن بۇل قىزمەتتى ارمان جەتپىسباي اتقاراتىن بولدى.

جەتپىسباي ارمان ءشارىپبايۇلى 1971 جىلى جامبىل وبلىسى جامبىل اۋدانى كۋيبىشەۆ اۋىلىندا دۋنيەگە كەلگەن. ءبىلىمى جوعارى. 1993 جىلى - قازاق حيميا-تەحنولوگيا ينستيتۋتىن ينجەنەر-قۇرىلىسشى ماماندىعى بويىنشا، 2002 جىلى - ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن ەكونوميست ماماندىعى بويىنشا بىتىرگەن.

ەنبەك جولىن 1992 جىلى كوممەرتسيالىق قۇرىلىمداردا باستاعان. 1998-1999 جىلدارى - «الاۋترانسگاز»، «شىمكەنتگاز» جاۋاپكەرشىلىگى شەكتەۋلى سەرىكتەستىكتەرىندە ديرەكتور بولىپ جۇمىس اتقارعان. 1999-2003 جىلدارى - «قازكوممەرتسبانك» اكتسيونەرلىك قوعامى شىمكەنت فيليالى ديرەكتورىنىڭ ورىنباسارى، «قازكوممەرتسبانك» اكتسيونەرلىك قوعامىنىڭ قىزىلوردا فيليالىنىڭ ديرەكتورى، «قازكوممەرتسبانك قىرعىزستان» اكتسيونەرلىك قوعامى باسقارما توراعاسىنىڭ ءبىرىنشى ورىنباسارى بولدى. 2003-2018 جىلدارى ارالىعىندا «ARNA كورپوراتسياسى» اكتسيونەرلىك قوعامىنىڭ باسقارما توراعاسى، «وڭتۇستىك» ارنايى ەكونوميكالىق ايماعىنىڭ ديرەكتسياسى مەملەكەتتىك مەكەمەسىنىڭ ديرەكتورى، وڭتۇستىك قازاقستان وبلىسى اكىمىنىڭ ورىنباسارى، شىمكەنت قالاسىنىڭ اكىمى، «ARNA Petroleum» جاۋاپكەرشىلىگى شەكتەۋلى سەرىكتەستىگىنىڭ بايقاۋ كەڭەسىنىڭ توراعاسى، «قازاتومونەركاسىپ» اكتسيونەرلىك قوعامىنىڭ باسقارۋشى ديرەكتورى، «Samruk-Kazyna Construction» اكتسيونەرلىك قوعامىنىڭ باسقارما توراعاسى بولىپ جۇمىس اتقارعان.

2018 جىلدان بۇگىنگە دەيىن «Samruk-Kazyna Construction» اكتسيونەرلىك قوعامىنىڭ باس ديرەكتورى - باسقارما توراعاسىنىڭ ءبىرىنشى ورىنباسارى، «وبەكتىلەردىڭ قۇرىلىسىن جۇرگىزەتىن كومپانيا» كورپوراتيۆتىك قورىنىڭ باس ديرەكتورى لاۋازىمدارىن اتقارىپ كەلدى.

 

سوڭعى جاڭالىقتار