10 تامىز, 12:40 451 0 جاڭالىقتار انار لەپەسوۆا

بيىل نۇر-سۇلتاندا 12 مەكتەپ بوي كوتەرەدى

ەلوردا اكىمى التاي كولگىنوۆ بىرقاتار وقۋ ورىندارىنىڭ قۇرىلىسىمەن تانىستى. بۇل تۋرالى شاھار باسشىسى الەۋمەتتىك جەلىدە حابارلادى. 

«قالا تۇرعىندارىنىڭ وسۋىنە بايلانىستى الەۋمەتتىك نىساندارعا تۇسەتىن جۇكتەمە ارتىپ كەلەدى. ءبىلىم نىساندارى اسىرەسە حالىق كوپ شوعىرلانعان ەلدى-مەكەندەردە سالىنىپ جاتىر. بۇگىن بىرقاتار وقۋ نىساندارىنىڭ قۇرىلىس بارىسىمەن تانىستىم.

قازىرگى №60 مەكتەپ-ليتسەي اۋماعىندا (كۋبرين كوشەسى 21/1) تاعى ءبىر مەكتەپ سالىپ جاتىرمىز. مەكتەپ اۋماعىن كەڭەيتەمىز. بۇل مەكتەپتىڭ جۇكتەمەسىن ازايتىپ، جاڭا وقۋ ورىندارىن قۇرۋعا مۇمكىندىك بەرەدى. بيىل وسى مەكتەپتى پايدالانۋعا بەرەمىز. اباتتاندىرۋ جۇمىستارىنا نازار اۋدارۋ قاجەت. بىلتىرمەن سالىستىرعاندا بيى ەكى ەسە كوپ مەكتەپ سالامىز.

بيىل سالىناتىن مەكتەپ سانى - 12. كەلەسى جىلدارعا دا دايىندىقتى ەستەن شىعارمادىق. ۇلى دالا مەن №39 كوشە قيىلىسىندا ورنالاسقان ءبىلىم ورداسى 1 200 وقۋشىعا ەسەپتەلگەن (ەكى اۋىسىمدا – 2 400). 2021 جىلى پايدالانۋعا بەرىلەدى. مەكتەپ قۇرىلىسىنا جەكە ينۆەستوردىڭ قاراجاتى جۇمسالادى»،-دەپ جازدى التاي كولگىنوۆ Instagram-داعى پاراقشاسىندا.

 

سوڭعى جاڭالىقتار