10 تامىز, 10:32 411 0 دەنساۋلىق انار لەپەسوۆا

COVID-19: ەلىمىزدە 246 ناۋقاس اۋىر حالدە جاتىر

قازاقستاندا كوروناۆيرۋس جۇقتىرعان 246 ناۋقاس اۋىر حالدە جاتىر. 

دەنساۋلىق ساقتاۋ مينيسترلىگىنىڭ مالىمەتىنە سۇيەنسەك، بۇگىندە رەسپۋبليكا بويىنشا كوروناۆيرۋس ينفەكتسياسىنان 25 650 ادام ەمدەلۋدە. ولاردىڭ اراسىندا 105 بالا بار. ستاتسيونارلاردا 4 713 ناۋقاس جاتىر. 20 937 ادام امبۋلاتوريالىق جاعدايدا ەم قابىلداپ جاتىر.

ناۋقاستاردىڭ اراسىندا 246 ادامنىڭ جاعدايى اۋىر. ونىڭ ىشىندە 69 ناۋقاستىڭ جاعدايىن ماماندار اسا اۋىر دەپ باعالاپ وتىر. 70 ناۋقاس وكپەنى جاساندى جەلدەتۋ اپپاراتىنا قوسىلعان.

ايتا كەتەيىك، وتكەن تاۋلىكتە 741 ادامنان كوروناۆيرۋس انىقتالىپ، ىندەتكە شالدىققان ناۋقاستاردىڭ جالپى سانى 100 مىڭعا جۋىقتادى. ىندەتتەن 1058 ادام كوز جۇمدى. ال كوروناۆيرۋس بەلگىلەرى بار پنەۆمونيادان قايتىس بولعاندار سانى 164-كە جەتتى.

سوڭعى جاڭالىقتار