10 تامىز, 10:52 426 0 جاھان انار لەپەسوۆا

ماكرون الەم ەلدەرىن ليۆانعا كومەكتەسۋگە شاقىردى

فرانتسيا پرەزيدەنتى ەممانۋەل ماكرون الەم ەلدەرىن ليۆانعا كومەكتەسۋگە شاقىردى. 

ماكروننىڭ باستاماسىمەن ليۆانعا قولداۋ كورسەتۋ جۇمىستارىن ۇيلەستىرۋ بويىنشا «دونور ەلدەر» جيىنى ونلاين فورماتتا ءوتتى. جيىندا فرانتسيا پرەزيدەنتى جويقىن جارىلىستان زارداپ شەككەن ليۆان حالقىنا كومەكتەسۋ كەرەگىن العا تارتتى. ماكروننىڭ سوزىنشە، بۇل ءىس ليۆان مەن ونىڭ حالقىن قولداۋداعى بىرلىكتىڭ بىرەگەي ۇلگىسى بولۋى ءتيىس.

"جيىنعا 15 ەل قاتىسىپ وتىر. تۇركيا جانە رەسەي ەلدەرىمەن بايلانىستىق. تۇرىك ەلى كونفەرەنتسياعا قاتىسا الماعانىمەن، ليۆانعا قول ۇشىن سوزباق. رەسەيدىڭ دە كومەكتەسەتىنىنە سەنىمدىمىن. بۇدان بولەك، يزرايل دە كومەك كورسەتۋگە نيەت ءبىلدىرىپ وتىر", - دەدى فرانتسيا باسشىسى.

ەسكە سالا كەتەيىك، 4 تامىزدا بەيرۋتتاعى پورتتا جويقىن جارىلىس بولىپ، 158 ادام قازا تاپتى، 5 مىڭنان اسا ادام زارداپ شەكتى. زارداپ شەككەندەر اراسىندا قازاقستاننىڭ كونسۋلى دا بار.

بۇعان دەيىن قر پرەزيدەنتى قاسىم-جومارت توقاەۆ قورعانىس مينيسترىنە ليۆانعا اسكەري مەديتسينا ماماندارىن جىبەرۋ تۋرالى ماسەلەنى شەشۋدى تاپسىرعانىن حابارلاعانبىز.

8 تامىزدا قازاقستاندىق اسكەري دارىگەرلەر زارداپ شەككەندەرگە كومەك كورسەتۋ ءۇشىن ليۆانعا اتتاندى.

توپ قۇرامىنا جوعارى بىلىكتى حيرۋرگتەر، تراۆماتولوگتار، نەيروحيرۋرگتەر، انەستەزيولوگ-رەانيماتولوگتار، سونداي-اق حيرۋرگيالىق بەيىندەگى ورتا مەديتسينالىق پەرسونالدار بار. ولاردىڭ كوپشىلىگى اعىلشىن ءتىلىن جەتىك مەڭگەرگەن. اسكەري مەديتسينا قىزمەتكەرلەرىنىڭ ماقساتى – زارداپ شەككەندەرگە بىلىكتى مەديتسينالىق كومەك كورسەتۋ.

سوڭعى جاڭالىقتار