10 تامىز, 09:49 379 0 ءبىلىم انار لەپەسوۆا

اقتوبە وبلىسىندا «مەكتەپكە جول» اكتسياسى باستالدى

ەلىمىزدە «مەكتەپكە جول» اكتسياسى باستالدى.

بيىل العاشقىلاردىڭ ءبىرى بولىپ قايىرىمدىلىق قارەكەتكە اقتوبە وبلىسىنىڭ قوبدا اۋدانى تۇرعىندارى كىرىسكەن، دەپ حابارلايدى «حابار 24».

جەرگىلىكتى دەمەۋشىلەر الەۋمەتتىك ءالجۋاز توپتى قولداۋ ماقساتىندا وقۋ-قۇرالدارى مەن كيىم-كەشەك ساتىپ الىپتى. الايدا كارانتيندىك كەزەڭنىڭ تالابىنا سايكەس، بيىل وقۋشىلاردى توپتاپ جينامايدى. بۇلدىرشىندەرگە قۇرال-جابدىقتارى مەكتەپ اۋلاسىندا كەزەك-كەزەگىمەن تابىستالادى. العاش بولىپ 10 جاس ورەنگە تابىستالدى. قىركۇيەك ايىنىڭ سوڭىنا دەيىن اۋدان بويىنشا 562 وقۋشى قامتالتىن بولدى.

– جەرگىلىكتى دەمەۋشىلەردىڭ كومەگىمەن بۇگىن بالالارعا مەكتەپ فورمالارى، مەكتەپ سومكەسى، قۇرال-جابدىقتارى تابىستالدى. قىركۇيەكتىڭ 30-نا دەيىن جالعاسىن تابادى، - دەيدى  قوبدا اۋداندىق ءبىلىم ءبولىمىنىڭ باس مامانى گۇلشات ابىشەۆا.

سوڭعى جاڭالىقتار