9 تامىز, 14:36 569 0 جاھان انار لەپەسوۆا

اۋعانستاندا مينا قويىلعان كولىك جارىلدى

اۋعانستاننىڭ ورتالىق بولىگىندەگى گازني قالاسىندا بولعان جارىلىستان جەتى پوليتسەي قازا تاۋىپ، تاعى 15 قىزمەتكەر جاراقات العان.

قازاقپاراتتىڭ حابارلاۋىنشا، وقيعا 8 تامىز كۇنى كەشكە بولعان. قوعامدىق قورعانىس كۇشتەرى بولىمشەسىنىڭ جانىندا مينا قويىلعان كولىك جارىلعان. جارىلىستان كەيىن بىردەن بولىمشەگە شابۋىل جاسالعان. بىراق شابۋىلداۋشىلار كوپ ۇزاماي جويىلدى.

اۋعانستاننىڭ ىشكى ىستەر مينيسترلىگىنىڭ رەسمي وكىلى تاريك اريان جاراقات العاندار كابۋلعا تىكۇشاقپەن جەتكىزىلگەنىن، ولاردىڭ ۇشەۋىنىڭ جاعدايى اۋىر ەكەنىن حابارلادى. ازىرگە ەشقانداي تەرروريستىك توپ شابۋىل جاساعانى ءۇشىن جاۋاپكەرشىلىكتى ءوز موينىنا العان جوق.

سوڭعى جاڭالىقتار