9 تامىز, 09:38 476 0 جاڭالىقتار انار لەپەسوۆا

ەلوردادا ۆەلوسيپەد ۇرلاۋدى ادەتكە اينالدىرعان ۇرى ۇستالدى

نۇر-سۇلتان قالاسىنىڭ ءتارتىپ ساقشىلارى جەدەل-ىزدەستىرۋ شاراسىن وتكىزۋ بارىسىندا قالادا بىرنەشە مارتە ۆەلوسيپەد ۇرلاعان 39 جاستاعى ازاماتتى ۇستادى، دەپ حابارلايدى نۇر-سۇلتان قالالىق پوليتسيا دەپارتامەنتى. 

تەرگەۋ جۇمىستارى بارىسىندا كۇدىكتىنىڭ قاراۋسىز قالعان ۆەلوسيپەدتەردى ۇرلايتىنى انىقتالدى. قازىرگى تاڭدا كۇدىكتى 3 ۆەلوسيپەد ۇرلىعى بويىنشا كىناسىن مويىنداپ وتىر. ءبىر ۆەلوسيپەدتى ول كۇندىز ادامداردىڭ كوپتىگىنە قاراماستان دۇكەننىڭ جانىنان ۇرالاعان. قالعان ەكەۋىن ۇيلەردىڭ اۋلالارىندا تۇرعان جەرىنەن قولدى ەتكەن.

ۆەلوسيپەدتەردىڭ بارلىعىنىڭ قۇنى 200 مىڭ تەڭگە بولادى. ءبىر ۆەلوسيپەد يەسىنە قايتارىلدى. ال قالعاندارىن كۇدىكتى ساتىپ ۇلگەرگەن. وسى فاكتى بويىنشا قىلمىستىق ءىس قوزعالىپ، كۇدىكتىنىڭ ەلوردا ماڭىنداعى وسى تەكتەس وزگە دە قىلمىستارعا قاتىستىلىعى تەكسەرىلۋدە.

نۇر-سۇلتان قالاسىنىڭ پوليتسيا دەپارتامەنتى جاز ايىندا ۆەلوسيپەدتەردىڭ ۇرلانۋ جاعدايلارىنىڭ جيىلەگەندىگىن ەسكەرتەدى.

 

سوڭعى جاڭالىقتار