7 تامىز, 17:18 865 0 جاڭالىقتار اسىل تۇمار

ۇلتتىق گۆارديا قولباسشىسىنىڭ ورىنباسارى جانارماي ۇرلادى دەگەن كۇدىككە ءىلىندى

قر ۇلتتىق گۆاردياسى وڭىرلىك ءبولىمى قولباسشىسىنىڭ ورىنباسارى جانار-جاعارماي ماتەريالدارىن ۇرلاۋ كۇدىگىنە ءىلىندى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى 1-ءشى دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيگايداروۆ ايتتى، – دەپ جازدى قازاقپارات.

«قاراعاندى وبلىستىق سىبايلاس جەمقورلىققا قارسى قىزمەتى قر ۇقك قىزمەتكەرلەرىمەن بىرلەسىپ، 2020 جىلعى 1 تامىزدا جانار-جاعارماي ماتەريالدارىن زاڭسىز يەمدەنۋ ارقىلى مۇلىكتى جىمقىرعانى ءۇشىن كۇدىككە ىلىنگەن قازاقستان رەسپۋبليكاسى ۇلتتىق گۆاردياسىنىڭ 52859 اسكەري ءبولىمى وڭىرلىك قولباسشىلىعىنىڭ ورىنباسارىن ۇستادى»، – دەدى تەرگەۋشى.

ونىڭ اتاپ وتۋىنشە، قىلمىستىق ءىس بويىنشا سوتقا دەيىنگى تەرگەۋ ءجۇرىپ جاتىر. تەرگەۋ مۇددەسىنە بايلانىستى وزگە اقپارات جاريا ەتىلمەيدى.

سوڭعى جاڭالىقتار