7 تامىز, 14:45 2993 0 جاھان ارايلىم بيمەنديەۆا

قازاقستاندىقتارعا شىعۋعا رۇقسات بەرىلگەن ەلدەر ءتىزىمى

Freedom Finance Life ماماندارى كوروناۆيرۋستىڭ الەمدىك پاندەمياسى كەزىندە قازاقستاندىقتاردىڭ بارۋ مۇمكىندىگى بار 17 ەلدى بەلگىلەدى.

قازاقستاندىقتار شەتەلگە تەك دەمالۋ ماقساتىندا شىقپايدى. ادامدار ءىسساپارىن، جاقىندارىن كورۋدى، ەمدەلۋ نەمەسە الەۋمەتتىك كومەك كورسەتۋدى جوسپارلاۋى مۇمكىن. وسىعان وراي، Freedom Finance Life ءومىردى ساقتاندىرۋ كومپانياسى زەرتتەۋ جۇرگىزىپ، جازدىڭ اياعىنا دەيىن قازاقستاندىقتارعا بارۋعا تىيىم سالىنعان ەلدەردى، ءبىزدىڭ تۋريستەردى بەلگىلەنگەن ەرەجەلەرگە سايكەس قابىلدايتىن ەلدەردى، سونىمەن قاتار، شەكاراسىن تولىق، سونىڭ ىشىندە، دەمالۋ ءۇشىن اشقان ەلدەرىن انىقتادى.

تۋريستەرگە بارۋعا تولىق تىيىم سالىنعان ەلدەر تىزىمىنە 60-تان استام ەلدەر كىرگەن. ولاردىڭ ىشىندە: قىرعىزستان، وزبەكستان، تۇركىمەنستان، ازەربايجان، يزرايل، سيريا، ساۋد ارابياسى، شري-لانكا، كۋبا، پەرۋ، ارگەنتينا، وار، ماروككو، الجير، قحدر.

90-نان استام ەل شەتەل ازاماتتارىن بەلگىلەنگەن ەرەجەلەرگە سايكەس قابىلداۋعا دايىن ەكەندىگى تۋرالى مالىمدەدى. ولار: رەسەي، تاجىكستان، بەلارۋسيا، گرۋزيا، ارمەنيا، موڭعوليا، كانادا، اقش، برازيليا، ەۋروپا مەملەكەتتەرى (مولدوۆانى قوسپاعاندا), باە، ءۇندىستان، قىتاي، اۆستراليا، جاپونيا، تايلاند، مالايزيا، يندونەزيا، فيليپپين جانە جاڭا زەلانديا.

ازىرشە اتالعان ەرەجەلەر، دەمالۋ ماقساتىندا شىققان تۋريستەردىڭ كوپشىلىگىنە تارالمايدى. الايدا، شەتەلگە باسقا سەبەپتەرمەن بارۋشىلار ءۇشىن، مىسالى، اتا-انالاردىڭ شەتەلدە وقيتىن بالاسى بار، وپەراتسيا نەمەسە ءىسساپار جوسپارلانعان بولسا، ەرەكشە ەرەجەلەردى ساقتاۋ تالاپ ەتىلەدى.

تۋريستەرگە شەكاراسىن اشقان ەلدەر سانى ازىرگە 17. ولار: ۋكراينا، اۋعانستان، سەربيا، ەگيپەت، مەكسيكا، دومينيكان رەسپۋبليكاسى، مالديۆ جانە باگام ارالدارى.

تىيىم سالۋ تولىق الىنعانىمەن، ۇشىپ كەلگەندە جولاۋشىلار مەديتسينالىق كۋالاندىرۋدان وتۋگە جانە اۋرۋى جوق تۋرالى انىقتاماسىن ۇسىنۋعا ءتيىس.

سوڭعى جاڭالىقتار