7 تامىز, 11:17 478 0 جاڭالىقتار اسىل تۇمار

42 500 تەڭگە: 2,2 ملن-نان استام ادام بىرجولعى تولەم الدى

سۋرەت عالامتوردان الىندى
سۋرەت عالامتوردان الىندى

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتتەرىنە سايكەس كارانتين كەزىندە تابىسىن جوعالتقان 2,2 ملن-نان استام ادام بىرجولعى تولەم الدى.

7 تامىز ساعات 09.00-دەگى جاعداي بويىنشا شىلدە ايىندا شەكتەۋ شارالارىنىڭ ەنگىزىلۋىنە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) بىرجولعى تولەم تاعايىنداۋعا ازاماتتاردان 2 ملن 480 مىڭ بىرەگەي ءوتىنىش ءتۇستى. تولەم مولشەرى ەڭ تومەنگى جالاقى – 42 500 تەڭگەگە تەڭ. تولەمدى 2 ملن 227,1 مىڭ قازاقستاندىق الدى، ونىڭ ىشىندە 2 ملن 138,7 مىڭ ادام تامىز ايىندا كارانتيننىڭ ۇزارتىلۋىنا بايلانىستى 0,5 ەڭ تومەنگى جالاقى – 21 250 مىڭ تەڭگە مولشەرىندە قوسىمشا اقى الدى. بۇل باعىتتاعى جۇمىس جالعاسۋدا.

ماسق-تان تولەم الۋعا وتىنىمدەر بىرنەشە ارنالار ارقىلى قابىلدانادى.

2 ملن 480 مىڭ ءوتىنىمنىڭ ىشىندە:

  • 835,3 مىڭ ادام پرواكتيۆتى فورماتتا تولەم تاعايىنداۋعا كەلىسىم بەرگەن;
  • 632,1 مىڭ ادام Egov.kz پورتالى جانە telegram-بوتتار ارقىلى;
  • 370,2 مىڭ ادام 42500.enbek.kz پورتالى ارقىلى;
  • 642,6 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى ءوتىنىش بەرگەن.

ازاماتتاردىڭ ساناتتارى بويىنشا:

  • 835,3 مىڭ ءوتىنىش بىرىڭعاي جيىنتىق تولەم تولەۋشىلەردەن كەلگەن (پرواكتيۆتى فورماتتا);
  • 224,6 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەرگەن;
  • 1 ملن 420,5 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر، جەكە پراكتيكامەن اينالىساتىن ادامدار، ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).

تولەم 2 ملن 249,1 مىڭ ادامعا تاعايىندالدى. اقشالاي قاراجات 2 ملن 227,1 مىڭ قازاقستاندىققا اۋدارىلدى.

ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.

 

سوڭعى جاڭالىقتار