6 تامىز, 19:05 966 0 زاڭ انار لەپەسوۆا

قازاقستاندا ناۋرىزدان بەرى تۇرمىستىق زورلىق-زومبىلىقتان 33 ادام كوز جۇمدى

بيىلعى جىلدىڭ ناۋرىز-شىلدە ايلارىندا 33 وتانداسىمىز تۇرمىستىق زورلىق-زومبىلىق قۇربانى بولدى. 

بۇل جونىندە ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا قر ءىىم تەرگەۋ دەپارتامەنتىنىڭ اسا ماڭىزدى ىستەر جونىندەگى اعا تەرگەۋشىسى ارمان ءماتجان ايتتى.

«2020 جىلعى 16 ناۋرىزدا توتەنشە جاعداي ەنگىزىلگەننەن باستاپ 5 تامىزعا دەيىنگى ارالىقتا 241 تۇرمىستىق زورلىق-زومبىلىقپەن بايلانىستى قىلمىستىق قۇقىقبۇزۋشىلىق تىركەلدى. ونىڭ ىشىندە 33-ءى ادامداردىڭ قازا تابۋىمەن، ياعني ولىمىمەن اياقتالدى. وتكەن جىلدىڭ ۇقساس كەزەڭىنە تالداۋدى ناقتى وسى مەرزىم ارالىعىندا جۇرگىزبەگەن ەدىك. بىراق ءبىز 16 ناۋرىز بەن 31 شىلدە ارالىعىنداعى مالىمەتتەرگە سالىستىرمالى تالداۋ جاساعان بولاتىنبىز. اتاپ ايتقاندا، 31 شىلدەگە دەيىنگى ارالىقتا 237 قىلمىستىق قۇقىقبۇزۋشىلىق تىركەلگەن. بۇل وتكەن جىلدىڭ وسى مەرزىمىنىڭ ارالىعىمەن سالىستىرعاندا، 41,7 پايىزعا كوپ»، - دەدى ا. ءماتجان.

ەسكە سالا كەتەيىك، بۇعان دەيىن قر ءىىم اكىمشىلىك پوليتسيا كوميتەتى يۋۆەنالدى پوليتسيا جانە ايەلدەردى زورلىق-زومبىلىقتان قورعاۋ باسقارماسىنىڭ باسشىسى اسەت وسپانوۆ كارانتين كەزىندە تۇرمىستىق زورلىق-زومبىلىق  21 پايىزعا ارتقانىن ايتقان بولاتىن.

باسقارما باسشىسىنىڭ سوزىنشە، كارانتين كەزىندە وتباسىندا جانجال شىعاراتىنداردى باقىلاۋدىڭ جاڭا ءتاسىلى قولدانىلعان.  تىركەۋدە تۇرعاندار جانە قۇقىق بۇزۋشىلىققا اۋەس ادامدار قاشىقتان، ياعني الەۋمەتتىك مەسسەندجەرلەرمەن ۆيدەو بايلانىس ارقىلى تەكسەرىلگەن.

 

 

سوڭعى جاڭالىقتار