6 تامىز, 17:09 456 0 نۇر وتان انار لەپەسوۆا

پارتيا بەلسەندىسى مۇمكىندىگى شەكتەۋلى اناعا اربا الىپ بەردى

مۇمكىندىگى شەكتەۋلى مۇقتاج اناعا پارتيانىڭ  بەلسەندى مۇشەسى، «قۇلسارى قالاسى مۇگەدەكتەر قوعامى» بىرلەستىگىنىڭ توراعاسى ق.ەڭسەپوۆ قايىرىمدىلىق تانىتىپ، مۇگەدەك ارباسىن سىيعا تارتتى.

Nur Otan پارتياسى اتىراۋ وبلىسى جىلىوي اۋداندىق فيليالىنىڭ قوعامدىق قابىلداۋ بولمەسىنە 1-ءى توپ مۇگەدەك انا ءوزىنىڭ مۇگەدەكتەرگە ارنالعان ارباعا مۇقتاج ەكەندىگىن، اۋلاعا شىعىپ اۋا جۇتۋدىڭ ءوزى مۇڭ بولعانىن  ايتىپ ءوتىنىش بىلدىرگەن بولاتىن.

اۋداندىق فيليالدىڭ ۇسىنىسمەن قايىرىمدىلىق دەسە الدىنا جان سالمايتىن پارتيا بەلسەندىسى،  ق.ەڭسەپوۆ وسىنداي ەرەكشە جاننىڭ ءوتىنىشىن ەسكەرۋسىز قالدىرماي، كومەك قولىن سوزۋدى ءجون كوردى. ولارعا ارنايى ۋاقىت ءبولىپ مۇقتاج اناعا مۇگەدەكتىك اربانى ءوز قولىمەن تابىستادى.

مۇقتاج انا قازىرگى ۋاقىتتا قاۋىپتى ىندەتتىڭ ءورشىپ تۇرعان شاعىندا ومىرگە دەگەن قۇلشىنىستى ارتتىرىپ، رۋحاني قولداۋ بىلدىرگەن اۋداندىق پارتيا فيليالىنا، جوعىن تۇگەندەپ، دەمەۋ بولعان  بىرلەستىك باسشىسىنا ءوز ريزاشىلىعىن ءبىلدىرىپ العىسىن ايتتى.

 

 

 

 

 

سوڭعى جاڭالىقتار