6 تامىز, 16:28 456 0 جاھان انار لەپەسوۆا

قىرىمدا ىندەت جۇقتىرۋدىڭ رەكوردتى كورسەتكىشى تىركەلدى

قىرىمدا ءبىر تاۋلىك ىشىندە كوروناۆيرۋس جۇقتىرۋدىڭ 39 دەرەگى انىقتالعان. بۇل – پاندەميا باستالعالى تىركەلگەن رەكوردتى كورسەتكىش، دەپ حابارلايدى «ينتەرفاكس».

رەسپۋبليكا باسشىسى سەرگەي اكسەنوۆتىڭ «ۆكونتاكتەدەگى» پاراقشاسىندا جاريالانعان مالىمەتكە سۇيەنسەك، تۇبەك اۋماعىندا سوڭعى انىقتالعان 39 دەرەكتىڭ 16-سى – مەديتسينالىق كومەككە جۇگىنۋشىلەر اراسىنان، 17-ءسى – بۇرىن انىقتالعاندارمەن بايلانىستا بولعانداردى تەكسەرۋ كەزىندە، 6-اۋى – دەنى ساۋ ازاماتتاردى سكرينينگتەن وتكىزۋ بارىسىندا انىقتالعان.

بۇعان دەيىن ىندەت جۇقتىرۋدىڭ جوعارى كورسەتكىشى 4 شىلدەدە تىركەلگەن. ول كۇنى ايماقتا 38 ادامنان كوروناۆيرۋس انىقتالعان.

سوڭعى دەرەك بويىنشا، قىرىمدا پاندەميا باستالعالى 1386 ادام ىندەت جۇقتىرعان. 986 ادام ەمدەلىپ شىقسا، 16 ناۋقاس كوز جۇمدى.

رەسەيدىڭ وڭتۇستىگىندەگى تاعى ءبىر كۋرورت 3 تامىزدا ىندەت جۇقتىرعاندار سانى جونىنەن رەكورد ورناتقان. كراسنودار ولكەسىندە ءبىر تاۋلىك ىشىندە 113 ادامنان كوروناۆيرۋس انىقتالعان ەدى.  ولاردىڭ 72-ءسى – ايەل، 41-ءى – ەر ادام، 12-ءسى – بالا.

ەسكە سالا كەتسەك، بۇعان دەيىن تۇركيا كۋرورتتارىندا كوروناۆيرۋس جۇقتىرۋ دەرەكتەرىنىڭ سانى كۇرت ارتقانىن حابارلاعانبىز.

سوڭعى جاڭالىقتار