5 تامىز, 19:15 652 0 جاڭالىقتار اسىل تۇمار

10 تامىز اباي كۇنى بولىپ بەلگىلەندى

قازاقستان رەسپۋبليكاسى ۇكىمەتىنىڭ قاۋلىسىمەن 10 تامىز اباي كۇنى بولىپ بەلگىلەندى، – دەپ حابارلايدى  primeminister.kz.

«قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى №689 قاۋلىسىنا تولىقتىرۋ ەنگىزۋ تۋرالى «قازاقستان رەسپۋبليكاسىنداعى مەرەكەلەر تۋرالى» 2001 جىلعى 13 جەلتوقسانداعى قازاقستان رەسپۋبليكاسى زاڭىنىڭ 4-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. «قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى № 689 قاۋلىسىنا (قازاقستان رەسپۋبليكاسىنىڭ ءپۇاج-ى، 2017 ج.، № 53, 343-قۇجات) مىناداي تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسى: مىناداي مازمۇنداعى 22-1-تارماقپەن تولىقتىرىلسىن: «22-1. اباي كۇنى – 10 تامىز».

2. وسى قاۋلى العاشقى رەسمي جاريالانعان كۇنىنەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ا.مامين.

سوڭعى جاڭالىقتار