5 تامىز, 17:35 2485 0 جاڭالىقتار اسىل تۇمار

پرەزيدەنت مۇعالىمدەردىڭ جالاقىسىن 25 پايىزعا كوتەرۋدى تاپسىردى

قر پرەزيدەنتى قاسىم-جومارت توقاەۆ ءبىلىم جانە عىلىم ءمينيسترى اسحات ايماعامبەتوۆتى قابىلدادى، – دەپ حابارلايدى اقوردانىڭ ءباسپاسوز قىزمەتى.

اسحات ايماعامبەتوۆ قاسىم-جومارت توقاەۆقا ءبىلىم جانە عىلىم مينيسترلىگىنىڭ جاڭا وقۋ جىلىنا دايىندىق جانە بۇعان دەيىن بەرىلگەن تاپسىرمالاردىڭ ورىندالۋ بارىسى جايىندا ەسەپ بەردى.

پرەزيدەنت جاڭا وقۋ جىلىن دۇرىس ۇيىمداستىرۋدىڭ ماڭىزدى ەكەنىن ەسكەرتتى. اسىرەسە قاشىقتان وقىتۋ كەزىندە الەۋمەتتىك از قامتىلعان وتباسىلاردان شىققان بالالارعا قولداۋ كورسەتۋ قاجەتتىگىنە باسا نازار اۋداردى.

مەملەكەت باسشىسى ءبىلىم جانە عىلىم مينيسترىنە پەداگوگتەردىڭ مارتەبەسىن كوتەرۋ جونىندەگى جۇمىستى جالعاستىرۋدى، ۇستازداردى نەگىزگى قىزمەتىنەن بولەك جۇمىسقا جۇمىلدىرماۋدى جانە 2021 جىلعى قاڭتار ايىنا جوسپارلانعان مۇعالىمدەردىڭ جالاقىسىن 25%-عا ارتتىرۋدى قامتاماسىز ەتۋدى تاپسىردى.

سونداي-اق قاسىم-جومارت توقاەۆ جوعارى وقۋ ورىندارىنىڭ اكادەميالىق دەربەستىگىن ودان ءارى كەڭەيتۋ، جوعارى ءبىلىمنىڭ ساپاسىن ارتتىرۋ جانە جوو-داعى عىلىمدى دامىتۋ تۋرالى تاپسىرما بەردى.

سوڭعى جاڭالىقتار