4 تامىز, 19:51 1771 0 جاڭالىقتار اسىل تۇمار

ەلىمىزدىڭ 9 وبلىسىندا ەسكەرتۋ جاريالاندى

سۋرەت عالامتوردان الىندى
سۋرەت عالامتوردان الىندى

قازگيدرومەت ەلىمىزدىڭ 9 وبلىسىندا اۋا رايىنا بايلانىستى ەسكەرتۋ جاريالانعانىن حابارلادى. 

5 تامىزدا كۇندىز اقمولا وبلىسىنىڭ باتىسىندا 36 گرادۋس قاتتى ىستىق بولۋى مۇمكىن. سولتۇستىك-شىعىستان جەل سوعادى، جىلدامدىعى كۇندىز كەي جەرلەردە 15-20 م/س جەتەدى. ەرتەڭ كۇندىز نۇر-سۇلتاندا سولتۇستىك-شىعىستان جەل سوعادى ەكپىنى 16 م/س.

5 تامىزدا كۇندىز سولتۇستىك قازاقستان وبلىسىندا 35 گرادۋس قاتتى ىستىق بولادى. شىعىستان جەل سوعادى، كەي جەردە كۇشى 15-20 م/س جەتەدى.

5 تامىزدا تاڭەرتەڭ جانە كۇندىز قىزىلوردا وبلىسىنىڭ كەي جەرىندە نايزاعاي ويناپ، كۇن كۇركىرەيدى. 5 تامىزدا قىزىلوردا وبلىسىندا سولتۇستىك-باتىستان جەل سوعادى، كۇشى كەي جەردە 15-20 م/س جەتەدى. كۇندىز وتە جوعارى ءورت قاۋپى ساقتالادى.

5 تامىزدا كۇندىز قوستاناي وبلىسىندا 35-37 گرادۋس قاتتى ىستىق بولۋى ىقتيمال. سولتۇستىك-شىعىستان، شىعىستان جەل سوعادى، كۇندىز كەي جەردە جىلدامدىعى 15-20 م/س جەتەدى. ەرتەڭ قوستاناي قالاسىندا سولتۇستىك-شىعىستان، شىعىستان جەل سوعادى، كۇندىز ەكپىنى 16 م/س جەتەدى.

5 تامىزدا كۇندىز الماتى وبلىسىندا 35 گرادۋس قاتتى ىستىق بولۋى مۇمكىن. تالدىقورعاندا كۇندىز 35 گرادۋس ىستىق بولادى.

5 تامىزدا اقتوبە وبلىسىنىڭ كەي جەرلەرىندە نايزاعاي ويناپ، داۋىل سوعادى، تۇمان ءتۇسىپ، كۇندىز بۇرشاق جاۋى مۇمكىن. شىعىستان، سولتۇستىك- شىعىستان جەل سوعادى، كەي جەرىندە كۇشى 15-20 م/س جەتەدى. سول كۇنى اقتوبە قالاسىندا نايزاعاي ويناپ، شىعىستان جەل سوعادى، كۇندىز ەكپىنى 18 م/س جەتەدى.

5 تامىزدا ماڭعىستاۋ وبلىسىنىنىڭ كەي جەرىندە نايزاعاي ويناپ، داۋىل سوعادى، بۇرشاق جاۋادى. جەل باتىستان، وڭتۇستىك-باتىستان، كۇشى كەي جەرلەردە 15-20 م/س جەتەدى. ەرتەڭ تاڭەرتەڭ جانە كۇندىز اقتاۋ قالاسىندا نايزاعاي جارقالداپ، كۇن كۇركىرەيدى. جەل باتىستان، وڭتۇستىك-باتىستان سوعادى، كۇندىز ەكپىنى 18 م/س جەتەدى.

5 تامىزدا باتىس قازاقستان وبلىسىنىڭ كەي جەرلەرىندە نايزاعاي ويناپ، داۋىل سوعادى، بۇرشاق جاۋادى. جەل سولتۇستىك-شىعىستان كەي جەردە جىلدامدىعى 15-20 م/س جەتەدى. ورالدا ەرتەڭ نايزاعاي ويناپ، سولتۇستىك-شىعىستان جەل سوعادى، جىلدامدىعى 18 م/س جەتەدى.

5 تامىزدا اتىراۋ وبلىسىنىڭ كەي جەرلەرىندە قاتتى جاڭبىر-بۇرشاق جاۋادى، نايزاعاي ويناپ، داۋىل جەل سوعادى. سولتۇستىك-باتىستان جەل سوعادى، كەي جەرلەردە كۇشى 15-20 م/س جەتەدى. ەرتەڭ اتىراۋ قالاسىندا جاڭبىر جاۋادى، كۇن كۇركىرەپ، نايزاعاي وينايدى.

سوڭعى جاڭالىقتار