4 تامىز, 20:30 2702 0 اتاجۇرت باقىتبەك قادىر

قازاقستاندا جۇرگەن مونعوليا ازاماتتارى ەلىنە قايتارىلادى

قازاقستاندا جۇرگەن مونعوليا ازاماتتارىن ەلگە قايتارۋ ءۇشىن مونعوليا ۇكىمەتى قازاقستانعا ۇشاق جىبەرەتىنىن رەسمي مالىمدەدى.

جۋىقتا عانا مونعوليادا وتكەن پارلامەنت سايلاۋىندا جەڭىسكە جەتكەن قانداسىمىز – مونعوليا پارلامەنتىنىڭ مۇشەسى تىلەۋحانۇلى اۋباكىر بۇگىن، ياعني تامىزدىڭ 4-كۇنى مونعوليا ۇكىمەتى باسشىسىنىڭ ورىنباسارى يا.سودبااتارمەن كەزدەستى.

پارلامەنت مۇشەسى ت.اۋباكىر كارانتينگە بايلانىستى قازاقستاندا قالىپ قويعان وتانداستارىن مونعولياعا قايتارۋ جونىندەگى دەپۋتاتتىق ساۋالىن مەملەكەتتىك توتەنشە كوميسسياعا شىلدەنىڭ 7-ءسى كۇنگى بەرگەن بولاتىن. كەزدەسۋدە وسى رەسمي حاتتىڭ جاۋابى سۇرالدى جانە دە قازاقستانعا تاعى دا ۇشاق ۇشىرۋ جونىندەگى ازاماتتاردىڭ ءوتىنىش تالاپتارى جەتكىزىلدى.

مونعوليا ۇكىمەت باسشىسىنىڭ ورىنباسارى مونعول ەلى الەم ەلدەرىندەگى ءوز ازاماتتارىن ەلگە اكەلىپ جاتقان جۇمىستارى تۋرالى ايتا كەلە تامىزدىڭ 22-نەن قازاقستانعا تاعى ءبىر رەت ۇشاق ۇشىراتىنىن رەسمي مالىمدەدى.

سوڭعى جاڭالىقتار