3 تامىز, 17:29 466 0 نۇر وتان انار لەپەسوۆا

نۇروتاندىقتار پاۆلودار اۋرۋحانالارىنا 330 وتتەگى كونتسەنتراتورىن تاپسىردى

«جاڭا پاۆلودار» قوعامدىق قورى جالپى سوماسى 100 ميلليون تەڭگەدەن اساتىن كولەمى 5 ليتر 300 وتتەگى كونتسەنتراتىن ساتىپ الدى. قوردا ءىرى، ورتا جانە شاعىن بيزنەس وكىلدەرىنىڭ، «Nur Otan» پارتياسى مۇشەلەرىنىڭ، ۇەۇ وكىلدەرىنىڭ قاراجاتى جيناقتالادى. مەديتسينالىق اپپاراتتار سۇلتانوۆ اتىنداعى وبلىستىق اۋرۋحانانىڭ قويماسىنا جەتكىزىلىپ، پاۆلودار وبلىسىنىڭ 16 مەديتسينالىق مەكەمەسىنە تاراتىلدى.

«جاڭا پاۆلودار» قوعامدىق قورىندا قامقورشىلىق كەڭەس قۇرىلدى، وعان دەپۋتاتتار، قوعام جانە سىبايلاس جەمقورلىققا قارسى قىزمەت وكىلدەرى كىرەدى. قامقورشىلىق كەڭەستىڭ جەتەكشىسى بولىپ «Nur Otan» پارتياسى وبلىستىق فيليالى توراعاسىنىڭ ءبىرىنشى ورىنباسارى يليا تەرەنچەنكو تاعايىندالدى. كومەكتى جوڭەلتۋ كەزىندە قامقورشىلىق كەڭەس مۇشەلەرى بىردەن قالالىق جانە اۋداندىق اۋرۋحانالاردىڭ وكىلدەرىنە اپپاراتتاردى تاپسىردى.

- قامقورشىلىق كەڭەس ارقىلى قىسقا مەرزىمدە جەتكىزىلگەن جابدىقتاردى ساتىپ الۋ كەلىسىمى ءوتتى. سىبايلاس جەمقورلىققا قارسى قىزمەت بارلىعى اشىق بولۋى ءۇشىن اپپاراتتارعا «تەگىن» ءمورتاڭبالارىن قويدى. قوردىڭ باستى ماقساتى -اۋىرعانداردىڭ سانىن ازايتۋ جانە ساۋىعىپ كەتۋشىلەر سانىن ارتتىرۋ، - دەپ اتاپ ءوتتى «Nur Otan» پارتياسى پاۆلودار وبلىستىق فيليالى توراعاسىنىڭ ءبىرىنشى ورىنباسارى يليا تەرەنچەنكو.

ءوز كەزەگىندە مەديتسينالىق مەكەمەلەردىڭ وكىلدەرى ءوڭىر كاسىپكەرلەرىنە كورسەتكەن كومەك ءۇشىن العىستارىن ءبىلدىردى.

- بۇگىن ءبىزدىڭ اۋداندىق اۋرۋحانا «جاڭا پاۆلودار» قورىنان 5 وتتەگى كونتسەنتراتىن الدى. پاندەميانىڭ بارلىق كەزەڭىندە ماي اۋدانىندا 73 ادام پنەۆمونيامەن اۋىردى، 53 پاتسيەنت اۋرۋحانادان جازىلىپ شىقتى. كاسىپكەرلەرگە كورسەتكەن كومەگى ءۇشىن ۇلكەن العىسىمدى بىلدىرەمىن، - دەدى ماي اۋداندىق اۋرۋحاناسى باس دارىگەرىنىڭ ورىنباسارى ر.حۋساينوۆا.

سوڭعى جاڭالىقتار