2 تامىز, 20:41 470 0 جاڭالىقتار اسىل تۇمار

جەمقورلىق تۋرالى حابارلاعاندارعا 1,1 ملن تەڭگە سىياقى بەرىلگەن

اقمولادا جەمقورلىق فاكتىلەرى تۋرالى حابارلاعان تۇرعىندارعا 1,1 ملن تەڭگە كولەمىندە سىياقى بەرىلگەن، – دەپ جازدى قازاقپارات وبلىستىڭ سىبايلاس جەمقورلىققا قارسى قىزمەتىنە سىلتەمە جاساپ.

سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتى قىلمىستىق ىستەردى تەرگەۋ ناتيجەسى بويىنشا تۇراقتى نەگىزدە ولاردى جاساۋعا ىقپال ەتكەن ءمان-جايدى جويۋعا جانە الداعى ۋاقىتتا وسىنداي فاكتىلەردى بولدىرماۋعا باعىتتالعان شارالار قابىلداپ كەلەدى.

وسى تۇرعىدا مەملەكەتتىك ورگاندار مەن ۇيىمدارعا قىلمىستىق-پروتسەستىك كودەكستىڭ 200-بابى نەگىزىندە سىبايلاس جەمقورلىق سەبەپتەرى مەن جاعدايلارىن جويۋ ءۇشىن ۇسىنۋ ەنگىزىلەدى.

بيىل العاشقى جارتىجىلدىقتا وبلىستىڭ سىبايلاس جەمقورلىققا قارسى قىزمەتى وسىنداي 64 ۇسىنىس ەنگىزدى. ولاردى قاراۋ بويىنشا وتكىزىلگەن كەزدەسۋلەرگە 500-دەن استام مەملەكەتتىك قىزمەتشى مەن ءتۇرلى ۇيىم قىزمەتكەرلەرى قاتىستى. قارالعان ۇسىنىستاردىڭ ناتيجەسى بويىنشا 49 لاۋازىمدى تۇلعا تارتىپتىك جاۋاپكەرشىلىككە تارتىلدى، ونىڭ جەتەۋى جۇمىستان بوساتىلعان. جارتىسىنان كوبى سوگىس پەن ەسكەرتۋ الدى (35 ادام), سونداي-اق 7 ادامعا قىزمەتىنە تولىق سايكەس ەمەستىگى تۋرالى ەسكەرتىلدى. بۇل رەتتە جازالانعاندار اراسىندا 16 باسشى بولعانىن ايتا كەتۋ قاجەت.

سونىمەن قاتار، بيىلعى التى ايدا سىبايلاس جەمقورلىق فاكتىلەرى تۋرالى حابارلاعان 7 ادام 1 161 520 تەڭگە سوماسىنا ىنتالاندىرىلدى. بۇل كورسەتكىش – وتكەن جىلدىڭ 12 ايىنىڭ ناتيجەسىنە تەڭ جانە سىبايلاس جەمقورلىققا نولدىك توزىمدىلىكتى قالىپتاستىرۋعا ازاماتتاردىڭ ۇلكەن بەلسەندىلىگىنىڭ كورىنىسى.

سىبايلاس جەمقورلىققا قارسى قىزمەت اگەنتتىكتىڭ 1424 ساll-ورتالىعى تاۋلىك بويى جۇمىس ىستەيتىنىن ەسكە سالادى.

سوڭعى جاڭالىقتار