1 تامىز, 20:17 716 0 دەنساۋلىق انار لەپەسوۆا

كوروناۆيرۋس: 2 تامىزدان باستاپ جاريالاناتىن مالىمەتتەر 4 تسيفرعا نەگىزدەلەدى

جاڭارتىلعان كوروناۆيرۋس ستاتيستيكاسى 2 تامىزدا جاريالانادى. جاڭا  مالىمەتتەر ءتورت تسيفرعا نەگىزدەلمەك. بۇل تۋرالى قر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ مالىمدەدى. 

«ەگەر ءبىرىنشى كود بويىنشا ءبارى انىق بولسا، ەكىنشى جاعدايدا كوروناۆيرۋسقا بىرنەشە بەلگىلەر بويىنشا دياگنوز قويۋ كەرەك، ولار: ەپيدەميولوگيالىق جانە كلينيكالىق بەلگىلەر. ەپيدەميولوگيالىق بەلگىلەر - پاتسيەنت اۋرۋ جۇقتىرعان ادامدارمەن ناقتى بايلانىستا بولعان كەزدە، كلينيكالىق بەلگىلەرى - دەنە قىزۋى، قۇرعاق جوتەل. ءبىز ەل بويىنشا جينالعان مالىمەت 2 تامىزدان باستاپ كۇندەلىكتى ۇسىنىپ وتىرامىز. مالىمەتتەر ءتورت تسيفرعا نەگىزدەلەدى. ءبىرىنشى كورسەتكىش - كوروناۆيرۋس پتر سىناعىمەن راستالعان پاتسيەنتتەر، ەكىنشىسى - ءولىم جاعدايلارى، ءۇشىنشىسى - پتر سىنامالارىمەن دالەلدەنبەگەن ىقتيمال اۋىرعان پاتسيەنتتەر، ءتورتىنشىسى - پتر سىنامالارىمەن دالەلدەنبەگەن بىراق ءولىم ناتيجەلەرى كورسەتكەن جاعدايلار»، - دەيدى ول.

 

سوڭعى جاڭالىقتار