1 تامىز, 14:48 1155 0 دەنساۋلىق انار لەپەسوۆا

ەلىمىزدە العاش رەت كوروناۆيرۋسقا قارسى ۆاكتسينا ادامعا ەگىلدى

الماتىداعى قازاق ۇلتتىق اگرارلىق ۋنيۆەرسيتەتى جانىنداعى حالىقارالىق ۆاكتسينالوگيا ورتالىعى ەلىمىزدە العاش رەت كوروناۆيرۋسقا قارسى ۆاكتسينانى ادامعا سالىپ كوردى.

ەكپەنى العان العاشقى قازاقستاندىق - ورتالىق ديرەكتورى قايسار تابىنوۆ، دەپ حابارلايدى "حابار 24" ارناسى.

قايسار تابىنوۆقا COVAX-19 اتتى پرەپارات ەگىلگەن. ۆاكتسينا اۆستراليادا جاسالعان. قازىرگى تاڭدا كلينيكالىق سىناقتىڭ العاشقى ساتىسىنان وتۋدە.

«بۇل شىنىندا كوروناۆيرۋس پاندەمياسى باستالعالى العاشقى جاقسى جاڭالىق شىعار. ياعني، قازاقستاندا COVID-19-عا قارسى ۆاكتسينانىڭ پايدا بولۋى. جالپى، حالىقتى وسى وتە جاعىمسىز جانە قاۋىپتى اۋرۋدان جاپپاي يممۋنداۋ تاقىرىبى قازىر الەمدە وتە وزەكتى. يممۋنولوگيا جانە ۆيرۋسولوگيا سالاسىنداعى كوپتەگەن مامان كوروناۆيرۋستىڭ وسى ءتۇرى تۋرالى قاجەت ءبىلىم الىپ، پاندەميانى الەمنىڭ ءارتۇرلى ەلىنە ۆاكتسينالاردى قولدانا باستاعاندا عانا توقتاتۋعا بولاتىنىن ايتادى. بۇل پرەپاراتتاردى جاساۋعا كوپتەگەن عىلىمي ۇجىم، ينستيتۋت پەن كومپانيا اينالىسادى. ونىڭ ىشىندە وتاندىق ۆاكتسينامەن ءبىزدىڭ ماماندار دا جۇمىس ىستەپجاتىر. قولدانۋ ءۇشىن ۇلگىلەر دايىن»، – دەيدى ءتىلشى گريگوري بەدەنكو.

جاپپاي ۆاكتسيناتسيالاۋ – ءبىراز ۋاقىتتىڭ ماسەلەسى. بىراق ۋاقىت فاكتورى وتە ماڭىزدى، سەبەبى، وكىنىشكە قاراي، ينفەكتسيادان قايتىس بولعاندار سانى ءوسىپ كەلە جاتىر. سوندىقتان قازاق ۇلتتىق اگرارلىق ۋنيۆەرسيتەتى جانىنداعى حالىقارالىق ۆاكتسينولوگيا ورتالىعى بالاما شەشىم ۇسىنادى.

 

تەلەارنا ءتىلشىسى قازاقستاننىڭ جەكە ۆاكتسيناسىن جامبىل وبلىسى وتار اۋلىندا ورنالاسقان بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى اينالىسىپ جاتقانىن ايتتى.

سوڭعى جاڭالىقتار