1 تامىز, 14:27 1036 0 جاڭالىقتار انار لەپەسوۆا

تامىزدا اۋا رايى قانداي بولادى – سينوپتيكتەر بولجامى

قازگيدرومەت تامىز ايىنا ارنالعان اۋا رايى بولجامىن ۇسىندى.

كۇننىڭ ۇزاقتىعى تامىز ايىندا سولتۇستىك وبلىستاردا 2 ساعاتقا، وڭتۇستىك وبلىستاردا 1 ساعات 20 مينۋتقا قىسقارادى، دەيدى ماماندار.

ەلىمىزدىڭ باسىم بولىگىندە ورتاشا ايلىق تەمپەراتۋرا تامىزدا شىلدە ايىنان +2+2,5°س، ال وڭتۇستىك وبلىستاردا 1°س تومەن. قازاقستاننىڭ سولتۇستىگىندە +16+20°س بولادى، ال وڭتۇستىكتە +27+29°س دەيىن جوعارىلايدى.

"تاۋ بوكتەرىندەگى اۋدانداردا بيىكتەگەن سايىن اۋا تەمپەراتۋراسى +24°س دان (تەڭىز دەڭگەيىنەن 450 م بيىكتىكتە) 7,5°س دەيىن (3 كم بيىكتىكتە) تومەندەيدى", - دەيدى سينوپتيكتەر.

جازدىڭ سوڭعى ايىندا اۋا تەمپەراتۋراسى كليماتتىق نورما شاماسىندا بولادى دەپ بولجانىپ وتىر. جاۋىن-شاشىننىڭ ەداۋىر كوپ بولۋى جانە قاتتى قۇرعاقشىلىق، ادەتتە، تامىز ايىندا سيرەك بولادى. 2020 جىلدىڭ تامىز ايى دا باسقا جىلداردان ەرەكشەلەنبەيدى.

جاۋىن-شاشىن مولشەرى رەسپۋبليكانىڭ باسىم بولىگىندە نورما شاماسىندا، شىعىس قازاقستان وبلىسىنىڭ سولتۇستىك-باتىس بولىگىندە، سونىمەن قاتار الماتى وبلىسىنىڭ تاۋ جانە تاۋ بوكتەرلى اۋداندارىندا نورمادان كوپ، ال ماڭعىستاۋ، قىزىلوردا وبلىستارىندا جانە اقتوبە وبلىسىنىڭ وڭتۇستىگىندە نورمادان از بولادى.

"تامىزدىڭ ءبىرىنشى ونكۇندىگىندە قۇبىلمالى اۋا رايى تسيكلوندارمەن، اتموسفەرالىق فرونتتارمەن بايلانىستى بولادى، ولاردىڭ ءوتۋى قىسقا مەرزىمدى جاۋىن-شاشىنعا، باتىس، سولتۇستىك، شىعىس جانە وڭتۇستىك-شىعىس ايماقتاردا كۇشتى جاۋىن-شاشىن، سونداي-اق جەلدىڭ كۇشەيۋىنە اكەلەدى. نايزاعاي مەن بۇرشاقتىڭ ءتۇسۋى شىلدە ايىنا قاراعاندا از بولادى دەپ كۇتىلۋدە", - دەلىنگەن قازگيدرومەتتىڭ بولجامىندا.

مامانداردىڭ پايىمداۋىنشا، تامىزدا رەسپۋبليكانىڭ باسىم بولىگىندە اۋا تەمپەراتۋراسى جوعارى بولادى: تۇندە +15+25°س شاماسىندا، كۇندىز +27+37°س، وڭتۇستىكتە +40°س دەيىن كوتەرىلەدى. تەك باتىستا، شىعىستا جانە وڭتۇستىك-شىعىستاعى تاۋلى اۋدانداردا سكانديناۆيا مەن تايمىر اۋداندارىنان سۋىق اۋا ماسسالارىنىڭ ەنۋىنە بايلانىستى ءبىرىنشى ونكۇندىكتىڭ ورتاسىندا اۋا تەمپەراتۋراسى تۇندە +10+15°س-قا دەيىن، كۇندىز +20+27°س-قا دەيىن تومەندەيدى.

ەكىنشى جانە ءۇشىنشى ونكۇندىكتەردە جاڭبىرلى جانە سالقىن كۇندەر ىستىق جانە بۇلتسىز كۇندەرگە اۋىسادى. ەلىمىزدىڭ سولتۇستىگىندە اۋا تەمپەراتۋراسىنىڭ اۋىتقۋى تۇندە +12+20°س-تان +7+15°س-قا دەيىن، كۇندىز +23+30°س-تان +15+23°س-قا دەيىن، ال وڭتۇستىگىندە جانە باتىسىندا تۇندە +15+23°س-تان +10+18°س-قا دەيىن، كۇندىز +30+39°س-تان +23+30°س-قا دەيىن كۇتىلەدى.

 

سوڭعى جاڭالىقتار