11 شىلدە, 13:45 1278 0 جاڭالىقتار اسىل تۇمار

وقۋشىلارعا مەكتەپ فورماسىن كيۋ مىندەتتەلمەيدى – مينيستر

قازاقستاندا الداعى وقۋ جىلىندا وقۋشىلارعا مەكتەپ فورماسىن كيۋ مىندەتتەلمەيتىن بولادى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى.

«مەكتەپ فورماسى تۇسىنىگىنىڭ ءوزى، ونىڭ قاعيداتى مەن تالاپتارى ەشقايدا جوعالىپ كەتپەيدى. بىراق ءبىز بۇل بۇيرىققا ارنايى تارماق ەنگىزەمىز. ياعني ول تارماققا توتەنشە جاعداي، كارانتين، شەكتەۋ شارالارى مەن باسقا دا فورس-ماجور جاعدايلار جاتادى. ءدال وسىنداي جاعدايلاردا بالالارعا كلاسسيكالىق ىسكەرلىك كيىممەن كەلۋگە رۇقسات بەرەمىز»، – دەدى اسحات ايماعامبەتوۆ ءبىلىم جانە عىلىم مينيسترلىگىنىڭ ونلاين فورماتتاعى تىلشىلەرمەن كەزدەسۋىندە.

ونىڭ ايتۋىنشا ەگەر اتا-انالاردا قازىرگى ۋاقىتات مەكتەپ فورماسىن الۋعا جاعدايى بولماسا بالالارعا قاراپايىم كلاسسيكالىق كيىم الىپ بەرۋگە بولادى.

«مۇنداي شەشىمدى ءبىز قابىلدادىق. قازىرگى جاعدايدا بۇل شەشىمنىڭ ماڭىزى زور دەپ ەسەپتەيمىز. مۇنى كەڭەس سيپاتىندا ەمەس، ءبىلىم جانە عىلىم مينيسترلىگىنىڭ ادىلەت ورگاندارىندا تىركەگەن بۇيرىعى نەگىزىندە جۇرگىزىپ جاتىرمىز. شەشىمنىڭ ءنورماتيۆتى-قۇقىقتىق قۇجات رەتىندە سيپاتى بولۋى كەرەك»، – دەدى ول.

اسحات ايماعامبەتوۆ دەسە دە بۇل وزگەرىس ۋاقىتشا ەكەنىن ەسكەرتتى.

سوڭعى جاڭالىقتار