11 شىلدە, 11:21 1012 0 جاڭالىقتار اسىل تۇمار

«مەمساراپتاما» رمك باسشىسى 1 ملن تەڭگە پارا الدى دەگەن كۇدىكپەن ۇستالدى

الماتى وبلىسى بويىنشا «مەمساراپتاما» رمك باسشىسى 1 ملن تەڭگە پارا الدى دەگەن كۇدىكپەن ۇستالدى، – دەپ جازدى قازاقپارات.

«الماتى وبلىسى بويىنشا سىبايلاس جەمقورلىققا قارسى قىزمەتپەن «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىن ىسكە اسىرۋ اياسىندا جۇزەگە اسىرىلاتىن «1500 ورىنعا ارنالعان ورتا مەكتەپتىڭ قۇرىلىسى» جوباسىنا مەملەكەتتىك ساراپتاما جۇرگىزۋ ءۇشىن 1 ملن تەڭگە سوماسىندا پارا الدى جانە بەردى دەگەن كۇدىكپەن الماتى وبلىسى بويىنشا «مەمساراپتاما» رمك باسشىسى جانە جشس باسشىسىنا قاتىستى سوتقا دەيىنگى تەرگەپ-تەكسەرۋ باستالدى. رمك باسشىسى ۇستالدى جانە تالدىقورعان قالاسى پب ۋاقىتشا ۇستاۋ يزولياتورىنا قامالعان»، – دەلىنگەن الماتى وبلىسى بويىنشا سىبايلاس جەمقورلىققا قارسى قىزمەتتىڭ تاراتقان حابارلاماسىندا.

قازىر تەرگەپ-تەكسەرۋ جالعاسۋدا. باسقا مالىمەتتەر تەرگەۋ مۇددەسىندە قر قپك-نىڭ 201-بابىنا سايكەس جاريالاۋعا جاتپايدى.

سوڭعى جاڭالىقتار