10 شىلدە, 10:47 591 0 جاڭالىقتار اسىل تۇمار

الماتى وبلىسىنىڭ باس مەملەكەتتىك سانيتارلىق دارىگەرى پنەۆمونيادان كوز جۇمدى

بۇگىن الماتى وبلىسىنىڭ باس مەملەكەتتىك سانيتارلىق دارىگەرى قايرات بايمۇحامبەتوۆ دۇنيەدەن ءوتتى.

قايعىلى جاعدايدى الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل راستادى.

«بۇگىن قايرات قاجىمانۇلىنان ايىرىلىپ قالدىق (...) پنەۆمونيا»، – دەدى ع.جۇكەل.

الماتى وبلىسىنىڭ اكىمى اماندىق باتالوۆ مارقۇمنىڭ جاقىندارىنا كوڭىل ايتتى.

«قايرات قاجىمانۇلىنىڭ تۋعان-تۋىس جاقىندارىنا قايعىرىپ كوڭىل ايتامىن. ول گيپپوكرات انتىنا بەرىك بولىپ، ىندەتپەن كۇرەس كەزىندە كوز جۇمدى»، – دەپ جازدى ا.باتالوۆ فەيسبۋكتەگى پاراقشاسىندا.

قايرات بايمۇحامبەتوۆ 1964 جىلى شىعىس قازاقستان وبلىسىندا دۇنيەگە كەلگەن. 2019 جىلدىڭ 23 مامىرىنان باستاپ الماتى وبلىسىنىڭ باس مەملەكەتتىك سانيتارلىق دارىگەرى قىزمەتىن اتقاردى.

سوڭعى جاڭالىقتار