9 شىلدە, 21:09 839 0 زاڭ انار لەپەسوۆا

يتبالىقتى قورلاعان قاسكويلەر قىلمىستىق جاۋاپكەرشىلىككە تارتىلدى

ماڭعىستاۋدا يتبالىقتى قورلاعاندار قىلمىستىق جاۋاپكەرشىلىككە تارتىلدى. بۇل تۋرالى قر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار الەمى كوميتەتىنىڭ ءباسپاسوز حاتشىسى ساكەن دىلداحمەت حابارلادى. 

«2020 جىلدىڭ 6 شىلدەسىندە ماڭعىستاۋ وبلىسى ورمان شارۋاشىلىعى جانە جانۋارلار الەمى اۋماقتىق ينسپەكتسياسى بەلگىسىز ادامداردىڭ يتبالىقتى قورلاۋ فاكتىسى بويىنشا ماڭعىستاۋ وبلىسى قاراقيا اۋدانى پوليتسيا بولىمىنە شاعىم تۇسىرگەن. پوليتسيا ءبولىمى اتالعان فاكتى بويىنشا قر قك 316-بابى 2-بولىگىنە (جانۋارلارعا قاتىگەزدiك جاساۋ) سايكەس ولاردىڭ جەكە باسىن انىقتاپ، قىلمىستىق ءىس قوزعادى»، - دەپ جازدى ساكەن دىلداحمەت Facebook-تەگى پاراقشاسىندا.

ونىڭ ايتۋىنشا، قازىرگى ۋاقىتتا كۇدىكتىلەرگە قاتىستى سوتقا دەيىنگى تەرگەۋ جۇمىستارى باستالعان.

«دوستار! جابايى جانۋارلارمەن كەزدەسىپ قالساڭىزدار قاشىقتىق ساقتاڭىزدار جانە اباي بولىڭىزدار»، - دەدى ساكەن دىلداحمەت.

 

سوڭعى جاڭالىقتار