9 شىلدە, 19:28 356 0 ايماق انار لەپەسوۆا

وڭتۇستىكتە ەگىن وراعى باستالدى

بيىل ەلىمىزدە اۋىل شارۋاشىلىعى داقىلدارىنىڭ القابى 22,5 ملن گەكتاردى قۇرادى، بۇل – وتكەن جىلمەن سالىستىرعاندا 238 مىڭ گەكتارعا ارتىق. بۇل تۋرالى قر اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ ايتتى. 

ۆيتسە-ءمينيستردىڭ ايتۋىنشا، كوروناۆيرۋس پاندەمياسى سالدارىنان شەكتەۋ شارالارىنا قاراماستان، شارۋالار جەڭىلدەتىلگەن جانار-جاعارماي، ساپالى تۇقىم، تىڭايتقىشتار جانە تەحنيكامەن دەر كەزىندە قامتىلدى.

بۇگىنگى كۇنى ەگىننىڭ جاعدايى وبلىستاردىڭ دەرەكتەرىنە سايكەس ءداندى جانە ءداندى-بۇرشاقتى داقىلدار ەگىستىگىنىڭ جاي-كۇيى 48% القاپتا جاقسى، 49% قاناعاتتى جانە 3% ناشار دەپ باعالانۋدا. بۇل رەتتە ەگىننىڭ جاعدايى اۋا رايىنا تىكەلەي بايلانىستى.

«ەلىمىزدىڭ وڭتۇستىك وڭىرلەرى جاڭا ەگىن جيناۋعا كىرىستى. ماسەلەن، جامبىل جانە تۇركىستان وبلىستارىندا كۇزدىك ءداندى داقىلداردى جيناۋ جۇمىستارى جۇرگىزىلۋدە، 93 مىڭ گا بيداي جانە 26 مىڭ گا ارپا ورىلدى. ورتاشا ونىمدىلىگى - 17,0 تس/گا. سونداي-اق كارتوپ، كوكونىس جانە باقشا داقىلدارىن جينالىپ جاتىر. ال نەگىزگى استىق ەگەتىن وبلىستاردا جازدىق بيداي ەگىسىنىڭ تۇتىككە شىعۋ فازاسىنا كوشۋى بايقالادى. اتالعان وبلىستاردا استىق جيناۋ تامىزدىڭ ورتاسىنان باستالادى»، - دەدى ايداربەك ساپاروۆ.

 

سوڭعى جاڭالىقتار